Aýyl poshtasynan aıyrylmaý kerek

Jýyrda Aqtóbe oblysy Qar­ǵaly aýdany máslı­haty­nyń bir top depýtaty Josa­ly, Álimbet, Shámshi Qaldaıaqov aýyl­daryndaǵy poshta bólimsheleriniń jabylýyna baılanysty jergilikti turǵyndar­dyń bildirgen narazylyǵyn osy óńir­den saılanǵan Senat depýtaty Amangeldi Nuǵmanovqa jetkizdi. Olardyń pikirine qaraǵanda, qazirgi tańda «Qazposhta» ak­sıonerlik qoǵamy – aýylda poshta jáne bank qyzmetterin kórsetetin birden-bir ári asa qajet qurylym. Sondyqtan da onyń turǵyndar sany 2 myńǵa jetpeıtin aýyldyq eldi mekenderdegi poshta bólim­she­lerin jabý týraly sheshimi, eń aldy­men, zeınetkerler men halyqtyń áleý­mettik osal toptaryna teris áserin tıgizedi. О́ıtkeni olardyń zeınetaqy men járdemaqy alý úshin jaqyn mańdaǵy posh­ta bólimshelerine, ásirese qys pen kók­temdegi jol buzylǵan kezde barýy ońaıǵa túspeıdi. Buǵan qosa Qazaqstan men Reseı shekarasyn Álimbet aýyly arqyly kesip ótetin azamattar kedendik, salyqtyq jáne basqa da tólemderdi tóleýde qıyndyqqa tap bolady. Ondaı jolaýshylar sany – kúnine shamamen 1 500 adam.

Senator A.Nuǵmanov óz kezeginde Úki­met­ke depýtattyq saýal joldap, on­da «Qaz­­poshta» AQ-nyń Aqtóbe ob­ly­synda ǵana emes, respýblıka boıynsha tur­ǵyn­dar sany az aýyldyq eldi mekenderdegi ekonomıkalyq turǵydan tıimsiz poshta bólimshelerin jabý týraly sheshimi aýyl turǵyndarynyń úlken renishin týǵyzyp otyrǵanyn málimdedi.

«Bul rette «Qazposhta» AQ-nyń ren­tabeldiligi týraly máselege qatysty myna­ny atap ótkimiz keledi. Onyń qar­jy­lyq turaqtylyǵy aýylda jyldar boıy qalyp­tasyp, ornyqqan baılanys júıe­sin buzý arqyly aýyl adamdarynyń múd­desine nuqsan keltirý esebinen rettelmeýge tıis. Osy rette bul AQ-nyń baqylaý paketi memleketke tıesili, al negizgi fýnksııasy halyqqa qyzmet kórsetý ekenin umytpaýymyz kerek. «Qazposhtanyń» rentabeldiligin qamtamasyz etýdiń ózge joldaryn izdestirip, aýyldyq eldi meken­derdegi poshta bólimshelerin qysqart­paý, ıaǵnı aýyl turǵyndarynyń onsyz da nashar ómir súrý jaǵdaıyn odan ári tómendet­peý qajet», dedi senator A. Nuǵmanov.

Depýtattyq saýalǵa Úkimet qaıtar­ǵan resmı jaýapta Aqtóbe oblysynyń Qarǵaly aýdanyndaǵy úsh aýyldyń posh­ta bólimshelerin jabý týraly sheshim olardy ustaýǵa jumsalatyn shyǵystar­­dyń ulǵaıýymen jáne kórsetetin qyz­­­met­ter­ge suranystyń tómendeýine baıla­nys­ty qabyldanǵany aıtylǵan. Bul rette poshta jáne qarjy qyzmetteri­niń áleý­mettik mańyzy eskerile otyryp, Álimbet jáne Shámshi Qaldaıaqov aýyl­da­rynyń turǵyndaryna poshta baıla­ny­synyń jyljymaly bólimshesi arqyly qyzmet kórsetý jalǵastyrylady. Al Josaly aýyly Qarǵaly aýdanynyń orta­lyǵy – Badamsha aýylyndaǵy ortalyq operasııalyq ýchaskege bekitilgen.

Jalpy, elimizde byltyrdan beri ren­ta­beldiligi tómen 167 aýyldyq posh­ta baılanysy bólimshesi jabylǵan. Sebebi ótken jyly «Qazposhta» AQ-ǵa aýyldyq jerlerde qyzmet kórsetýden kelgen shyǵyn 17,5 mlrd teńge bolǵan. Buǵan qoldanystaǵy tarıfterdiń naqty shyǵyndarmen sáıkes kelmeýine baılanysty jol berilgen. Mysaly, gazetter men jýrnaldardy jetkizý tarıfi 2017 jyldan beri kóterilmeı, 17 teńge mól­sherinde qalyp otyr. Qazir osy qyzmettiń ózindik quny 353 teńgege jetken. Sondaı-aq aýyldy jerlerde zeınetaqy men jár­dem­aqylardy, birjolǵy jáne ózge de tó­lem­derdi iske asyrýdyń qoldanystaǵy tarıfi – 247 teńge, al ózindik quny – 477 teń­­ge. Iаǵnı bul qyzmetti kórsetýden túse­tin kiris te jumsalǵan shyǵyndy jappaıdy.

Mamandardyń aıtýynsha, aýyldyq eldi mekenderdegi poshta bólimshelerin saqtap qalý úshin «Qazposhtanyń» qoldanystaǵy tarıfterin qaıta qaraý qajet. Buǵan zańnamalyq negiz bar. «Baılanys týraly» zańǵa sáıkes merzimdi baspasóz basylymdaryn aýyldyq eldi mekenderge jetkizý jónindegi qyzmetter memlekettik bıýdjetten sýbsıdııalaýǵa jatady. Al sýbsıdııa kólemi shyǵystar men naqty kirister arasyndaǵy aıyrma retinde aıqyndalady. Osyǵan oraı qazir gazetter men jýrnaldardy jetkizý qyzmetiniń tarıfin 17 teńgeden 80 teńgege deıin arttyrý máselesi Sıfrlyq damý, ınnovasııalar jáne aeroǵarysh ónerkásibi mınıstrliginde qaralyp jatqan kórinedi. Zeınetaqy men áleýmettik tólemderdi jetkizý tarıfin de kóbeıtpeı bolmaıdy. Árıne, mundaı sharalardy iske asyrý úshin «Qazposhta» AQ-nyń jyl saıyn shegip otyrǵan zııanynyń ornyn toltyrýǵa baǵyttalatyn sýbsıdııa kólemin ulǵaıtpaı bolmaıdy.

Shyntýaıtynda, elimizdegi 1,2 myń tirek aýyldyq eldi mekenniń kóbindegi tur­ǵyndar sany – 2 myńnan az. Soǵan qa­ramastan Qazaqstan Respýblıkasynyń aýyldyq aýmaqtaryn damytýdyń 2023–2027 jyldarǵa arnalǵan tujyrymda­ma­syna sáıkes olardaǵy rentabeldiligi tómen poshta bólimsheleri saqtalýǵa jáne jabylyp qalǵandary qaıtadan ashylýǵa tıis. Bul da «Qazposhta» AQ-ǵa bólinetin sýbsıdııa kólemin arttyrýdy talap etedi.

Poshta bólimshesi jabylǵan aýyldarda gazet-jýrnalǵa jazylý kemshin soǵyp, turǵyndardyń aqparatqa qoljetimdiligi tómendeıtini, zeınetaqy men áleýmettik tólemderdi ýaqtyly jetkizý, sondaı-aq memlekettik kórsetiletin qyzmetterdi kórsetý kúrdelene túsetini anyq. О́ıtkeni aǵa urpaq ókilderiniń kóbi mobıldi telefon qosymshalaryn qoldana bilmeıdi. Al ınternet sapasy elordanyń shetkeri aýdandarynda áli kúnge paıdalanýshylar shaǵymyn týǵyzyp otyrǵanyn eskersek, osy kommýnıkasııalyq jeliniń shalǵaı aýyldardaǵy jaı-kúıi tipti shalaǵaı ekeni aıtpasa da túsinikti.

Túıindeı aıtqanda, «Qazposhta» AQ-nyń aýyldardaǵy poshta bólimsheleriniń qyzmetiniń áleýmettik jáne rýhanı tur­ǵydan mán-mańyzy erekshe. Sondyqtan da olardy tym quryǵanda tirek aýyldyq eldi mekenderde saqtaýdyń túıindi máselesin túpkilikti sheshý qajet.