Sýret: gov.kz
Kezdesý barysynda Memlekettik qyzmet isteri agenttiginiń tóraǵasy Darhan Jazyqbaı memlekettik qyzmetshilerdiń qajetti daǵdylary men quzyretterin jetildirý úshin barlyq jaǵdaı jasalǵanyna toqtalyp, memlekettik qyzmetke kirýdi jeńildetý jáne kásibı mamandardy tartý maqsatynda engizilgen zańnamalyq bastamalardy júzege asyrýdyń tıimdiligi týraly aıtty. Sondaı-aq ol memlekettik qyzmetshilerdiń qoǵam aldyndaǵy jaýapkershiligin jáne ádeptilik minez-qulyqtyń joǵary standarttaryn saqtaýy, kommýnıkasııalyq daǵdylaryn únemi damytýy mańyzdy ekenine erekshe nazar aýdardy.
– Memleket basshysy Qasym-Jomart Toqaev bıylǵy Joldaýynda «Halyq únine qulaq asatyn memleket» tujyrymdamasyn usynǵaly qoǵam men bılik qurylymdary arasyndaǵy qarym-qatynas mádenıeti ózgergenin atap ótti. Memleket pen qoǵam arasyndaǵy dıalogtiń sapasyn odan ári arttyra túsý úshin adal ári ádil bolýymyz, tek zań aıasynda áreket etýimiz, bergen ýádemiz ben isimiz úshin jaýap bere bilýimiz kerek ekenin alǵa qoıdy. Bul aıtylǵan mindetter memlekettik qyzmetshilerdiń rýhanı-adamgershilik áleýetin jetildirýdi jáne adamı qundylyqtarǵa bastaıtyn «Ádiletti Qazaqstan – Adal azamat» ıdeıasyn olardyń sanasyna ornyqtyrýdy talap etedi, – dedi D.Jazyqbaı.
Baspasóz týry aıasynda agenttik ókilderi memlekettik qyzmettiń gıbrıdti modeli negizinde memlekettik apparatty kásibılendirý, personaldy beıimdeý, turaqtandyrý jáne yntalandyrý negizinde HR-úderisterdi jetildirý, servıstik jáne adamǵa baǵdarlaný qaǵıdatyn ilgeriletýge baǵyttalǵan josparlarymen bólisti. Bul sharalar memlekettik qyzmetti damytýdyń 2024–2029 jyldarǵa arnalǵan jańa tujyrymdamasynda josparlanypty.
Buǵan qosa kezdesýde memlekettik qyzmetke irikteý jáne ony ótkerý, memlekettik kórsetiletin qyzmetter sapasyn arttyrý, memlekettik apparat qyzmetin bıýrokratııadan aryltý salasyndaǵy negizgi jetistikteri atap ótildi. Keıin qatysýshylarǵa memlekettik qyzmetke onlaın irikteýdi júrgizýge múmkindik beretin «eQyzmet» syrtqy portalynyń jumysy tanystyryldy.
Sonymen qatar «Jańa formasııa basshysy» memlekettik saıası qyzmetshilerge arnalǵan kýrstarda oqýdyń qalaı ótkiziletinin kórdi. Jańa formasııa basshylary úshin ádildik, ashyqtyq, memleketshildik jáne halyqqa adal qyzmet etý qaǵıdattaryn saqtaýdyń mańyzyna basymdyq beriledi.
BAQ jáne medıa ókilderi agenttik tóraǵasyna memlekettik qyzmetti odan ári damytýǵa qatysty suraqtar qoıyp, pikir-usynystaryn ortaǵa saldy. Jıyn qorytyndysynda D.Jazyqbaı Memleket basshysynyń «Adam memleket úshin emes, memleket adam úshin» qaǵıdatyn iske asyrýda memlekettik organdardyń BAQ ókilderi jáne azamattyq qoǵammen syndarly dıalog qurýynyń mańyzyn atap ótip, qatysýshylardy belsendi yntymaqtastyqqa shaqyrdy.
