Foto: KAZENERGY baspasóz qyzmeti
Is-shara tabıǵı resýrstardy basqarýdaǵy ashyqtyq pen ony jaýapty basqarý salasyndaǵy ózekti máselelerdi talqylaýǵa arnaldy. Kezdesý sheńberinde derekterdi ashý tetikterin jetildirý, múddeli taraptar arasyndaǵy ózara is-qımyldy jandandyrý jáne О́SAB sheńberinde Qazaqstannyń ustanymyn nyǵaıtý perspektıvalary qaraldy.
«Qazaqstan kómirsýtekter men ýrannyń álemdik jetekshi óndirýshisi retinde tabıǵı resýrstardy basqarýda barynsha ashyqtyq pen eseptilikke umtylady. О́SAB-men áriptestik arqyly biz ashyqtyq standarttaryn kóterýge, iskerlik ahýaldy jaqsartýǵa jáne Qazaqstannyń halyqaralyq arenadaǵy oń ımıdjin nyǵaıtýǵa nıettimiz», dedi KAZENERGY Tóraǵasy Maǵzum Myrzaǵalıev.
О́SAB Halyqaralyq hatshylyǵynyń basshylyǵy óz tarapynan KAZENERGY músheleriniń halyqaralyq bastamany iske asyrýǵa qatysýyn oń baǵalady. Ol sondaı-aq О́SAB boıynsha KAZENERGY qaýymdastyǵyna múshe kompanııalardyń eseptilikti usynýyn sıfrlandyrýdyń joǵary deńgeıin de atap ótti.
«Hatshylyqtyń baǵalaýy boıynsha óndirýshi kompanııalar aqparatty ashý turǵysynan da, О́SAB Ulttyq keńesiniń jumysyna qatysý turǵysynan da О́SAB-ǵa tolyq kólemde belsendi jáne tıimdi qatysty», dedi Helen Klark hanym.
Kezdesýge qatysýshylar kompanııalardyń О́SAB qyzmetine qatysýyn jandandyrý bastamany iske asyrýdyń tıimdiligin arttyrýǵa jáne Qazaqstannyń halyqaralyq qoǵamdastyqtaǵy rólin nyǵaıtýǵa yqpal etetinin atap ótti.
«Búgingi kezdesý bizdiń turaqty damýǵa degen umtylysymyzdy rastady. KAZENERGY-ge múshe kompanııalardyń belsendi qatysýy О́SAB-men nátıjeli yntymaqtastyqta jáne Qazaqstannyń óndirýshi salalary úshin turaqty bolashaqty qalyptastyrýda sheshýshi ról atqarady», dep túıindedi M. Myrzaǵalıev.
Kezdesý nátıjesinde KAZENERGY Qaýymdastyǵy men onyń múshe kompanııalarynyń Qazaqstannyń Eýrazııalyq keńistiktegi ornyqty damý jáne ashyqtyq salasyndaǵy kóshbasshy retindegi bedelin nyǵaıta otyryp, О́SAB-men belsendi ózara is-qımyldy jalǵastyrýǵa daıyndyǵyn rastady.
