Foto:Ashyq derekkóz
Aıbek Oralbaı (92+ kg) Taılandta ótip jatqan Azııa chempıonatynyń fınalynda qytaılyq Abýdýreksıtı Remýlany 5:0 esebimen jeńdi.
Sonymen Qazaqstan erler quramasy ekinshi orynǵa turaqtady. Qurama sportshylary tórt altyn, bes kúmis jáne bir qolaǵa qol jetkizdi.
Buǵan deıin bokstan Qazaqstan erler quramasynyń Azııa chempıonatyndaǵy altynshy altynyn 54 keli salmaqta Mahmud Sabyrhan jeńip alǵan bolatyn. Qazaqstan quramasy úshin jetinshi joǵary júldeni Bekzat Nurdáýletov 86 keli salmaqta ózbekstandyq Jasýrbek Iýldoshevpen jekpe-jeginde jeńip aldy. Sondaı-aq Saǵyndyq Toǵambaı qarsylasy Tájikstan ókili Parvız Karımovty merziminen buryn jeńip, elge segizinshi altyndy syılady.
48 kelige deıingi salmaqta óner kórsetken Sanjar Táshkenbaı Azııa chempıonatynyń kúmis júldegeri atansa, Orazbek Asyqulov chempıondyq belbeý úshin beldesýde ózbekstandyq Mırazızbek Mırzahalılovtan jeńilip qaldy.
Qazaqstandyq Dýlat Bekbaýov ózbekstandyq Mýjıbıllo Tursynovtan utylyp, kúmis júldeger atandy. Abylaıhan Júsipov Qazaqstan quramasynyń qorjynyna taǵy bir kúmis qossa, Dıas Moljigitov fınalda ózbekstandyq qarsylasyn jeńe almaı, besinshi kúmisti jeńip aldy.
Al bokstan Qazaqstan áıelder quramasy Azııa chempıonatynda bes altyn, bes qola medal jeńip aldy.
