Foto: Astana qalasy ákimdigi
Mundaı aımaqtarda muz aıdyndary, slaıdtar, shaǵyn arhıtektýralyq nysandar, fotoaımaqtar jasalyp, shyrshalar bezendiriledi.
Saryarqa aýdanynda 12 syrǵanaq pen 4 muz aıdynyn jabdyqtaý josparlanyp otyr. Qalalyq alańda úlken syrǵanaq pen muz aıdyny, sondaı-aq merekelik fotosýret túsirýge arnalǵan qolaıly taqyryptyq fotoaımaqtar men tabıǵı shyrsha ornatylady.
Al Bógenbaı batyr dańǵyly, 43 boıyndaǵy saıabaqta tabıǵı shyrsha mańynda ornalasqan otbasylyq muz aıdyny iske qosylmaq.
«Kóktal» saıabaǵynda túrli jastaǵy adamdarǵa arnalǵan eki syrǵanaq, sonymen qatar jappaı syrǵanaýǵa arnalǵan úlken muz aıdyny jasaqtalady.
Esil ózeniniń jaǵalaýyn da túrli deńgeıdegi 8 syrǵanaq jáne ózenniń ústindegi muz aıdyny kelýshilerdi kútedi.
A.Gersen jáne Oqjetpes kósheleriniń qıylysynda qysqy demalysty kóńildi ótkizý úshin syrǵanaqtardyń birin ornatý josparlanǵan.
Baıqońyr aýdanynda negizgi oıyn-saýyq oryndary myna mekenjaılarda ornalasady:
«Jastar» saraıy (Respýblıka dańǵyly, 34) aýmaǵynda muz aıdynyn, syrǵanaq jabdyqtaý jáne jańa jyldyq shyrsha ornatý josparlanyp otyr.
J.Táshenov kóshesindegi K.Atatúrik atyndaǵy saıabaqta muz aıdyny men syrǵanaq ornatylady.
«Jazýshylar alleıasy» (Abaı dańǵyly) – osy ýchaskede syrǵanaq jabdyqtaý, shyrshalar, jańa jyldyq ınstallıasııalar men shaǵyn arhıtektýralyq nysandar ornatý josparlanǵan.
О́ndiris eldi mekeni (Aqbıdaı men Kemeńgeruly kósheleriniń qıylysy) – munda muz aıdyny men syrǵanaq ornatylady.
Kırpıchnyı eldi mekeni (Chehoev jáne Jolymbet kósheleriniń qıylysy) – muz aıdyny men syrǵanaq ashylady.
Qazqalashyq eldi mekeni (Dosmuhameduly kóshesi, 6) – bıiktigi 2 metr syrǵanaq, 6 metrlik shyrsha bezendiriledi.
«SMP» eldi mekeni (Kenshiler kóshesi 5, 126-kóshe) – bıiktigi 2 metr syrǵanaq jáne 6 metrlik shyrsha ornatylady. Dál osyndaı syrǵanaq 126-shy kóshede ornatylady.
Qoıandy saıajaı alaby (Alash tasjoly) – munda bıiktigi 4 metr syrǵanaq, sondaı-aq bes metrlik shyrsha ornatylady.
Sonymen qatar Selınnyı shaǵyn aýdanyndaǵy Jubanov kóshesi, 3, 3/1, 3/2 aýlalarynyń aýmaǵynda úlken muz aıdyny ashylady. Respýblıka dańǵylynda jáne J.Táshenov kóshesinde jańa jyldyq jaryqtandyrýlar ilinedi.
Esil aýdanynda dástúrli túrde EKSPO aýmaǵynda muz aıdyny, syrǵanaqtar jáne shyrsha ornatylady. Sondaı-aq syrǵanaq Prıgorodnyı eldi mekeninde de ashylady.
Jańa jyldyq shyrshalar myna oryndardy bezendiriledi: Túrkistan kóshesi jaǵyndaǵy Botanıkalyq baq, Qabanbaı batyr dańǵylyndaǵy kópir astyndaǵy alań, Prıgorodnyı eldi mekeninde (Arnasaı-Jańadarııa kósheleriniń qıylysy) jáne Dostyq kóshesi men Nurjol býlvarynyń qıylysyndaǵy jańa alań.
Ákimdiktiń málimetinshe, bıyl shyrshalar alty negizgi orynda bezendiriledi.
Almaty jáne Saraıshyq aýdandarynda myna oryndar jabdyqtalady:
Qazaq eli monýmentiniń alańynda 2 muz aıdyny, syrǵanaq jáne jańa jyldyq shyrsha ashylady. Alańnyń aýmaǵy shaǵyn arhıtektýralyq nysandarmen, jaryq-lıýmınasııalyq pannolarmen bezendiriletin bolady.
Táýelsizdik dańǵylyndaǵy Oqýshylar saraıynyń janynda slaıdtar, shyrshalar, shaǵyn arhıtektýralyq nysandar, fotoaımaq jáne muz aıdyny ornatylady.
Trıatlon saıabaǵynda muz aıdyny men syrǵanaq ashý josparlanyp otyr.
«Sana Sport» sport kesheniniń aýmaǵynda muz aıdyny, shyrsha jáne shaǵyn arhıtektýralyq nysandar ornatylady.
Taǵy 4 syrǵanaq Temirjolshylar, О́nerkásip, Internasıonalnyı jáne Kúıgenjar turǵyn alaptarynda paıda bolady.
Nura aýdanynda arnaıy taqyryptaǵy shaǵyn sáýlet nysandary ornatylady, fotoaımaqtar bezendirilip, jeti syrǵanaq pen jeti muz aıdyny ashylady.
14 jeltoqsanda saǵat munarasynan (Turan dańǵylynyń jaǵyndaǵy ortalyq saıabaqtyń aýmaǵy) bastalatyn 290 metrlik jelilik muz aıdyny ashylady. Muz aıdynynyń ózinen bólek, saıabaqta shyrsha men taqyryptyq qondyrǵylar, sondaı-aq jármeńkelerge arnalǵan saýda pavılondary ashylady.
«Astana-Arena» stadıonynyń mańynda eki muz aıdyny men bir syrǵanaq ornatylady. Sol sııaqty úlken muz aıdyny men syrǵanaq «Zelenyı kvartal» turǵyn úı kesheniniń janynda ashylady. Jaǵalaý skverinde syrǵanaq ornalasady, Úrker eldi mekeninde syrǵanaq pen muz aıdyny salynady. Budan bólek, Ǵashyqtar saıabaǵynyń aýmaǵynda, «Zelenyı kvartal» TK janynda jáne Qabanbaı batyr dańǵyly men Qorǵaljyn tas jolynyń qıylysynda jańa jyldyq fotoaımaqtar ashylady.
Syrǵanaqtar men muz aıdyndary qys bitkenge deıin kelýshilerge qyzmet kórsetedi.
