Bul jumystar jolaýshylarǵa sapaly ári yńǵaıly qyzmet kórsetýge, ınfraqurylymdy zamanaýı talaptarǵa saı etýge baǵyttalǵan.
Shymkent jáne Pavlodar qalalarynyń temirjol vokzaldary rekonstrýksııadan ótse, Qyzylorda qalasy temirjol vokzaly kúrdeli jóndeý jumysymen qamtyldy.
Shymkent vokzalynyń ótkizý múmkindigi aıtarlyqtaı artty. Buryn táýligine 2000 jolaýshyǵa qyzmet kórsetilse, qazir bul kórsetkish 6000 jolaýshyǵa jetti. Ǵımarattyń jalpy aýmaǵy 1770,2 sharshy metrden 2250 sharshy metrge deıin keńeıtildi.
Pavlodar vokzalynda múmkindigi shekteýli jandarǵa arnalǵan eki júk-jolaýshy lıfti ornatyldy. Ǵımarat ishine taktıldi baǵyttaǵyshtar tóselip, arnaıy demalys bólmeleri men sanıtarlyq toraptar jasaqtaldy.
Qyzylordada 1905 jáne 1968 jyldary salynǵan eki tarıhı ǵımarat jańǵyrtylyp, jolaýshylar aǵyny birneshe ese artty.
Úsh vokzalda da jóndeý jumystary aıasynda syrtqy kelbeti jańartylyp, esik-tereze júıeleri men ınjenerlik kommýnıkasııalar retke keltirildi.
Erekshe qajettiligi bar jandar úshin pandýstar, taktıldi jolaqtar jáne arnaıy kassalar ornatyldy. Sonymen qatar zamanaýı WiFi aımaqtary, aqparattyq ekrandar men rentgen apparattary iske qosyldy.
