«Aýyl amanatynyń» úzdik qatysýshylary anyqtaldy

О́z sózinde E.Qoshanov osy kúni halyqtyń shamamen 40%-y aýyldyq jerlerde turatynyn, sondyqtan Prezıdent Qasym-Jomart Toqaev óziniń saılaýaldy baǵdarlamasyn­da aýyl turǵyndarynyń turmys jaǵ­daıyn jaqsartý jáne ál-aýqatyn arttyrý máselesine erekshe nazar aýdarǵanyn atap ótti.

«Memleket basshysynyń tapsyrmasy boıynsha «Amanat» partııasy el ıgiligi úshin belsendi jumys istep jatqan «Aýyl amanaty» jobasyn iske qosty. Bıyl bizdiń partııa jobaǵa qatysýshylar arasyndaǵy úzdik sharýashylyqtar men kooperatıvterdi jurtqa kór­setý úshin arnaıy baıqaý ótkizdi. Olardyń tájirıbesi bolashaq­ta «Aýyl amanaty» jobasyn jetil­­­­di­rý úshin paıdalanylady. Prezıdent aıtqandaı, jahandaný dáýirinde halyqty saqtaý úshin, eń aldymen, aýyldy saqtaýymyz kerek. Sondyq­tan baıqaý aıasynda biz aýyl ómiri­ne erekshe nazar aýdarýdy kózdedik. Aýyl – bizdiń altyn besigimiz, máde­nıetimizdiń, dástúrimizdiń jáne rýhanı ómirimizdiń sarqylmas qaınary. Aýylǵa degen qamqorlyq – árqaısymyzdyń ótkenge, búgin­ge jáne bolashaqqa degen qamqor­lyǵymyz», dedi ol.

Sonymen qatar E.Qoshanov memleket tarapynan júıeli nazar aýdarýdy talap etetin birqatar ózekti máseleni atap ótti. Bul – aýyldardyń ınfraqurylymyn damytý, aýyl turǵyndary úshin kepilsiz «taýarlyq nesıe» engizý, aýyldyq okrýgter bıýdjetiniń kiris bazasyn arttyrý jáne taǵy basqa.

О́z kezeginde vıse-premer T.Dúısenova «Aýyl amanaty» jobasy iske qosylǵan sátten bastap 16 myńǵa jýyq aýyl turǵyny jeke kásibin bastaý úshin 2,5% jeńildikpen shaǵyn nesıe alǵanyn, bul 17 myńnan asa jumys ornyn qurýǵa múmkindik bergenin aıtty. Sondaı-aq ol qazir shaǵyn nesıe alýshylar óndiretin ónimdi ótkizýdi jolǵa qoıýǵa erekshe nazar aýdarý kerek ekenin atap ótti.

Al Premer-mınıstrdiń keńes­shisi E.Toǵjanov joba aýyldaǵy jumyssyzdyq deńgeıin aıtarlyq­taı tómendetýge arnalǵanyn atap ótti. Sondyqtan jobanyń barlyq artyqshylyǵy týraly turǵyndardy durys aqparat­tandyrý mańyzdy. Ol elimizdiń barlyq óńirinen baıqaýǵa qatysý úshin 250-den asa ótinim kelip túskenin atap ótti. Qazylar alqasynyń sheshimimen 30 ótinim 10 atalym boıynsha júldeli oryndarǵa ıe boldy.

Máselen, Batys Qazaqstan oblysy Qoskól aýlynyń turǵyny Damır Qadirov «Úzdik kooperatıv» atalymyn jeńip aldy. «Úzdik JQSh» atalymy boıynsha birinshi oryn Mańǵystaý oblysy Aqshuqyr aýlynan Aleksandra Grıgolovaǵa buıyrdy. Aqtóbe oblysy Sarjanaı aýlynyń ákimi Medet Bekjanov Úzdik aýyl ákimi atandy. «Úzdik taýar kredıtory» atalymynda Aqtóbe oblysy Baıqadam aýlynyń turǵyny Aıgúl Tóleýova jeńiske jetti. Úzdik sút ónimi úshin birinshi oryn Abaı oblysy Qarasý aýlynyń turǵyny Darıan Janbolatovaǵa buıyrdy. Qyzylorda oblysy Tasbóget kentiniń turǵyny Gúlzıra Ernııazova et ónimderin úzdik óndirýshi atandy. «Úzdik aspazdyq ónim» atalymy boıynsha birinshi oryndy Jetisý oblysy Qarashoqy aýlynyń turǵyny Nazgúl Shoqanova ıelendi. Almaty oblysy Qarakemer aýlynyń azamaty Omar Lımtonov «Úzdik kókónis-baqsha jáne jıdek-jemis ónimderi» atalymy boıynsha jeńimpaz atandy. Aýyldaǵy úzdik agrarlyq emes joba úshin birinshi oryn demalys úıin ashyp, kásibin órkendetip otyrǵan Shyǵys Qazaqstan oblysy Jańa Úlbi aýlynyń turǵyny Janna Abýǵalıge berildi. Al Batys Qazaqstan oblysy Darınsk aýlynyń turǵyny Sergeı Kaverın «Úzdik qaıta óńdeý kásiporny» atalymyn jeńip aldy. Sonymen qatar Qyzylorda oblysy Besaryq aýlynyń kásipkeri Murat Sársenbaev jobaǵa qoldaý bildirgeni úshin Alǵyshatpen marapattaldy.

Baıqaýǵa qatysýshylar «Aýyl amanaty» jobasy – memleket­tiń Eńbek adamyna degen qamqor­lyǵynyń jarqyn úlgisi, aýyl turǵyn­darynyń tabysyn arttyrý­dyń qarapaıym ári túsinikti quraly ekenin atap ótti. Olar Memleket basshysyna jáne «Amanat» partııasyna kórsetilgen qoldaý úshin alǵys bildirdi.

Sondaı-aq Besaryq aýlynda «Aýyl amanaty» aıasynda óndirilgen aýyl sharýashylyǵy ónimderiniń kór­mesi ótti. Bıyl aýylda atalǵan joba aıasynda úlken óndiristik orta­lyq salyndy. Onda kartoptan ja­salǵan frı, naýbaıhana, kondı­ter­lik seh, sondaı-aq jartylaı da­ı­yn ónimder, plastık ydys-aıaq­tar, jumysshylarǵa arnalǵan qol­ǵaptar, sabyn, shulyq jáne aǵash bu­ıym­dar shyǵaratyn kásiporyndar óz ju­my­syn bastady. Sondaı-aq «Qyzyl­orda» sýpermarketi men kafe ashyldy.

Osy kúni «Amanat» partııasy­nyń tó­raǵasy Memleket basshysy­nyń tap­syrmasy boıynsha ashyl­ǵan Qyzylorda qalasynyń «Qorqyt ata» áýejaıyndaǵy jańa termınal­dyń jumysymen tanysty.