Fotolar: QazAvtoJol
Qaıta jańartý jumystarynan keıin jol úshinshi tehnıkalyq sanattan ekinshi sanatqa aýystyryldy. Ár baǵytta eni 3,75 metrden turatyn eki jolaqty qozǵalysy bar jol salyndy. Joba sheńberinde 6 kópir, 1 jolótpe, 60 sý ótkizgish qubyr, 10 demalys alańdary abattandyrylǵan. Sondaı-aq 650 jaryq tiregi ornatylyp, jol paıdalanýshylar úshin qolaıly ári qaýipsiz qozǵalysty qamtamasyz etildi.
Qaıta jańartý jumystary halyqaralyq standarttarǵa sáıkes salynyp, jobany júzege asyrýǵa Qazaqstan, Italııa, Túrkııa, Ázerbaıjan elderiniń kompanııalary qatysty. Atalǵan jumystarǵa 650 maman jáne 450 birlik arnaıy tehnıka jumyldyrylǵan. Aqtóbe (Muǵaljar) jáne Mańǵystaý (Shetpe) oblystarynan temirjol arqyly 3,4 mln tonna ınertti materıal jetkizilip, jumys barysynda qoldanyldy. Inertti materıaldardy tasymaldaýǵa 50 myńǵa jýyq jarty vagon jáne bıtým tasymalyna 2,5 myń bıtým tasyǵysh qajet boldy.
Osy ýaqytta deıin atalǵan ýchaske arqyly jol júrý ýaqyty 5 saǵat bolsa, al qazir búkil marshrýtty júrip ótý úshin 2 saǵat ketedi. Bul – joba barysynda salynǵan sapaly jol jabyny men zamanaýı ınfraqurylymnyń nátıjesinde júzege asyp otyr.
Aıta ketsek, Atyraý-Astrahan avtomobıl jolyn qaıta jańartý boıynsha jumystardyń aıaqtalýy aımaqtyń kólik ınfraqurylymynyń damýyna jáne Qazaqstan-Reseı arasynda baılanysty kúsheıtip, ekonomıkanyń damýyna jáne halyqaralyq saýdanyń damýyna septigin tıgizbek.
