Foto: polisia.kz
Almaty qalasynyń 35 jastaǵy turǵyny jaz ýaqytynda týystarynyń qonaqqa ketkenin paıdalanyp, páterindegi baǵaly buıymdaryn urlaǵan.
Qylmysty tergeý barysynda, jábirlenýshiniń kúıeý balasy áıeliniń sińlisi qonaqqa kelgende kilttiń kóshirmesin jasatqan. Basqa kúni Taldyqorǵanǵa arnaıy baryp, úıinde joq ekenine kóz jetkizgen soń páterge kirgen. Ol úıden «Cartier» markaly altyn áshekeıler men qundy kúzen qalpaǵyn qoldy etken.
Urlanǵan zattardy lombardqa ótkizgenmen, 810 myń teńge qarjylyq shyǵyndaryn jappaǵan. Sondyqtan kúdikti ekinshi ret páterge qaıta oralyp, altyn júzik, syrǵalardy alyp shyqqan.
«Tergeý barysynda polısııa qyzmetkerleri qylmyskerdiń jeke basyn anyqtap, ony ustady. Kúdikti óz áreketin materıaldyq qıyndyqtarǵa baılanysty jasaǵanyn moıyndady. Qazirgi tańda ol qamaýǵa alynyp, sotqa deıingi tergeý amaldary jalǵasyp jatyr», delingen IIM habarlamasynda.
