Atalǵan is-shara Ázerbaıjan, Iran, Qytaı, Reseı, Túrikmenstan, О́zbekstan elshilikterimen birlesip uıymdastyryldy.
Alqaly jıyn barysynda Qazaqstan elshisi Erjan Qystafın quttyqtaý sóz sóılep, óńir elderi arasyndaǵy qarym-qatynasty nyǵaıtýda mádenı yntymaqtastyqtyń erekshe mańyzdylyǵyn atap ótti. Sonymen qatar ol Qazaqstan men Pákistan arasyndaǵy mádenı baılanystardy damytyp, nyǵaıtý jónindegi josparlarǵa toqtaldy.
Elshi óz sózinde «Jibek joly» mádenıet ortalyǵynyń ashylýy óńir memleketteri arasyndaǵy mádenı jáne dıplomatııalyq qatynastardy kúsheıtýdiń mańyzdy qadamy bolǵanyn atap ótip, elimizdiń bul bastamany tolyǵymen qoldaıtynyn málimdedi.
Is-shara barysynda uıymdastyrylǵan kórmede kelýshiler Qazaqstan halqynyń baı mádenı murasy, ásem tabıǵaty, salt-dástúrleri men ádet-ǵuryptary beınelengen kartınalar, kitaptar jáne fotosýrettermen tanysty.
