Foto: Astana ákimdigi
«Astana jastary» jastar resýrstyq ortalyǵynyń eriktileri qoǵamdyq kólik kútip turǵan jolaýshylarǵa, kóshedegi saýda shatyrlarynda saýda jasaıtyn turǵyndarǵa jáne avtobýs júrgizýshilerine baýyrsaq pen ystyq shaı úlestirip, alǵysyna bólendi.
Uıymdastyrýshylardyń pikirinshe, sýyq kúnde baýyrsaq pen ystyq shaı taratýdyń ózi adamdardyń bir-birine degen súıispenshiligin arttyrady.
«Qazirgideı sýyq kúnde elordamyzda volonterlerdiń uıymdastyrýymen ótip jatqan bul is-shara turǵyndar men qonaqtar úshin naǵyz jylýlyq kózine aınaldy. Ystyq shaı men jyly lebizder adamdardyń júregin jylytyp, kóńil kúıin kóterdi. Bul is-shara qarym-qatynas pen ózara kómek kórsetýge úndeıdi, sondaı-aq qoǵamda birlik pen dostyqty nyǵaıtýǵa qyzmet etedi. Aksııaǵa qatysqan ár adam ózara meıirim men qamqorlyqtyń atmosferasyn sezine alady», dedi «Astana jastary» volonteri Mereı Qalel.
Aıta ketý kerek, mundaı aksııa qys mezgiliniń sońyna deıin ótedi.
