Bas prokýratýranyń habarlaýynsha, kúdikti 2005-2007 jyldar aralyǵynda Almaty qalasyndaǵy qurylys kompanııasynda esepshi bolyp jumys isteı otyryp, úlestik qurylysqa qatysýshylardan aqsha qabyldaýdy júzege asyrǵan, turǵyn úı kesheniniń aıaqtalmaǵan qurylys obektisi boıynsha kiris kassalyq orderlerine býhgalterlik esepte kórsetilmegen jalǵan túbirtekter jazǵan.
«Onyń jáne qylmystyń basqa da qatysýshylarynyń áreketteri saldarynan Almaty qalasynyń 80-nen astam turǵyny zardap shekti, olarǵa 3,7 mlrd teńgeden astam shyǵyn keltirildi.Qylmysqa qatysýshylardyń biri sottalǵan, alaıda ol qylmys jasaǵannan keıin jasyrynǵan, sondyqtan oǵan halyqaralyq izdeý jarııalandy», delingen habarlamada.
О́tken jyldyń jeltoqsan aıynda izdeýde júrgen adam Reseı Federasııasynyń Krasnodar ólkesinde ustalǵan. Keıin Qazaqstan Respýblıkasy Bas prokýratýrasynyń suraý salýy boıynsha Qazaqstanǵa ekstradısııalanǵan.
«Qazirgi ýaqytta kúdikti tergeý ızolıatoryna qamaldy. Aıyptaǵan qylmys jasaǵany úshin múlki tárkilenip, bes jyldan on jylǵa deıingi merzimge bas bostandyǵynan aıyrý jazasy qarastyrylǵan», dep habarlady prokýratýranyń baspasóz qyzmeti.
