Foto: Ashyq derekkóz
Qumar Aqsaqalovtyń aıtýynsha, balalar úıde qaraýsyz qalyp, úıdiń úlken balasy pesh jaqpaq bolǵan. Sol kezde ol aǵashpen birge peshke bótelke salyp jibergen.
«Balalar sol kúni úıde jalǵyz qalǵan. Aman qalǵan úıdiń úlken balasy tańǵy 04:00 shamasynda oıanyp, pesh jaqpaq bolǵan kórinedi. Sol kezde aǵashpen birge bótelkege uqsas nárse salyp jibergen. Saldarynan jarylys bolǵan», dedi ákim.
Sonymen qatar oblys ákimi qaıǵyly jaǵdaıdan keıin birden balalardyń anasymen kezdeskenin jáne birneshe kún ishinde otbasyna eki bólmeli páter satyp alynǵanyn aıty.
Esterińizge sala keteıik, Qostanaı oblysynyń Jitiqara qalasynda órt boldy. О́rt úıdi túgel sharpyǵandyqtan, ǵımarattyń shatyry opyrylyp túsken. Sol kezde ishinde úlkenderdiń qaraýynsyz qalǵan 2 jastan 13 jasqa deıingi alty bala bolǵan. О́rt saldarynan bes bala kóz jumǵan.
