Foto: Úkimettiń baspasóz qyzmeti
Úkimet basshysy Aqtaý qalasynyń áýejaıy mańynda Az Airlines áýe kompanııasyna tıesili Embraer 190 ushaǵynyń apatyna baılanysty ashylǵan kóńil aıtý kitabyna jazba qaldyrdy.
«Bul qıyn sátte Qazaqstan Úkimetiniń jáne óz atymnan qaza tapqandardyń otbasylaryna, týystary men jaqyndaryna qaıǵyryp kóńil aıtamyn. Orny tolmas aýyr qaıǵyǵa ortaqtasyp, apat saldarynan zardap shekkenderdiń tezirek saýyǵyp ketýin, Ázerbaıjan halqyna sabyr men tózimdilik tileımin. Biz baýyrlas Ázerbaıjanǵa tıisti kómek qolyn sozyp, jan-jaqty qoldaý kórsetemiz», dep jazdy Oljas Bektenov.
Buǵan deıin Premer-mınıstr qaza tapqan Qazaqstan azamattarynyń týǵan-týystaryna kóńil aıtyp, zardap shekken Ázerbaıjan, Reseı jáne Qyrǵyzstan azamattaryna jan-jaqty qoldaý kórsetýdi tapsyrǵan edi.
Aıta keteıik, búgin Ázerbaıjanda aza tutý kúni jarııalandy.
