Foto: QMDB
Quryltaıǵa jınalǵan 300-ge jýyq delegat Naýryzbaı qajy Taǵanulynyń kandıdatýrasyn qoldap, daýys berdi.
«Quryltaıǵa elimizdiń ár oblysynan kelgen delegat kelip, qoldady. Bul senimdi abyroımen aqtaýǵa bar kúsh-jigerimdi jumsaımyn. Josparlap otyrǵan birqatar jumystarymyz bar. Máselen, aldaǵy 2025 jyly Qazaqstan musylmandary dinı basqarmasynyń derbes múftııat bolyp qurylǵanyna 35 jyl tolady. Mereıtoı aıasynda jospardaǵy kóptegen ıgi isterdi jurt bolyp jumylyp, halyq bolyp birigip atqarýǵa barshańyzdy shaqyramyn» dedi QMDB Tóraǵasy, Bas múftı Naýryzbaı qajy Taǵanuly.
Aıta keteıik, Naýryzbaı qajy Taǵanuly QMDB Tóraǵasy, Bas múftı laýazymyna ekinshi ret saılanyp otyr.
