Foto: kursiv.media
Aýyzsýǵa muqtajdyq, ásirese, jaz aılarynda arta túsedi. О́ńir ákimshiligi bul máseleni iri mekemeler men bızneske beriletin sý kólemin azaıtý arqyly sheshýdi josparlap otyr.
Osy baǵytta oblystaǵy sý tapshylyǵyn joıý úshin qýaty táýligine 147 500 tekshe metr bolatyn 10 sý tushytý zaýyty men qondyrǵy salynyp, 1 magıstraldyq sý qubyry qaıta jańartylyp jatyr.
Sonyń biri - Qaraqııa aýdanyndaǵy Quryq aýylynda qýattylyǵy 5000 m³/táýligine aýyz sý óndiretin zaýyttyń qurylysy.
Oblys prokýratýrasynyń qadaǵalaýshylyq ún qatý aktisiniń negizinde ákimdik zaýytty salý úshin ınvestor «Aleka» JShS-ne 5 gektar jer ýchaskesin bergen.
Joba aıasynda 20 uńǵyma burǵylanyp, sýdyń tuzdylyǵyn tekserý boıynsha jumystar júrgizilip, toq tartý jumystary jalǵasyp jatyr.
Quryq aýyldyq ákimdiginiń málimetinshe, 2-shi jeli boıynsha jerge toq ornalastyrý jobasy jasalyp, buryn shyqqan jobalarǵa ózgerister engizilgen. 3-shi jeli boıynsha toq júrgizý jobasyn qazir «QazTransGazAımaq» qarastyryp jatyr. Al transformatorlar jerge ornalastyrý jobasyna jiberiletin josparǵa engizilgen. Ázirge zaýyttyń qurylys nysanyna elektr jelisin júrgizý jáne paıdalaný úshin jerge ornalastyrý jobasy ázir.
Bastapqy kezeńdegi zaýyt qurylysyn osy jyldyń sońynda aıaqtaý jospary 2025 jylǵa shegerilgen.
