Tótenshe jaǵdaı qyzmeti qanshalyqty jańǵyrdy?

О́ńirlik bólimsheler sany 87-den 28-ge deıin qysqartylyp, negizgi qyz­metter­diń jumysyn kúsheıtýge múm­kindik berdi. Sıfrlandyrý boıynsha vıse-mı­nıstr laýazymy engizildi, sonymen qatar Respýblıkalyq jedel shtab jańǵyrtyldy.

О́rtpen kúreske erekshe nazar aýdarylyp jatyr. 2024 jyly 324 tabıǵı órt tirkeldi. Bul 2023 jylmen salystyrǵanda (868 órt) 2,6 ese az. Qaraǵandy, Aqmola,  Qostanaı oblystaryndaǵy ormandarda órtti erte anyqtaý júıesin engizý ormandaǵy órt aýmaǵyn aıtarlyqtaı azaıtýǵa yqpal etti.

Qutqarýshylardyń jumys jaǵdaıyn jaqsartý maqsatynda tehnıka men jabdyqtardy jańartý jumystary jalǵasyp jatyr. Qostanaı oblysynda qutqarýshylardyń qyzmettik kıimderin jaqsartý boıynsha qanatqaqty joba iske qosylyp, oń nátıje kórsetti. Azamattyq qorǵanystyń jańa áskerı bólimderin qurý, onyń ishinde tez qurastyrylatyn konstrýksııalardan órt sóndirý depolaryn salý boıynsha jumys júrgizilip jatyr. Birinshi joba 2024 jyly Astanada 3,5 aı ishinde iske asyryldy.

Sondaı-aq Qazaqstannyń batys aıma­ǵynda TJ jedel áreket etýdi qamta­masyz etý úshin «Teńiz jasaǵy» atty ja­saq qurý mańyzdy qadam boldy. Al­maty, Oral, О́skemen, Qos­tanaı qala­larynda qut­qarý batalondary qaıta or­na­lastyryldy. Bul jedel qamtý­dy keńeıtip, kúshter men qural­dardy tasy­mal­daýǵa ketetin shyǵyndardy qysqartýǵa múmkindik berdi.

Osy jyldan bastap Qazaqstan tóten­­she jaǵdaılarǵa áreket etý júıe­sin jetil­dirýdi kúsheıtti. Bıyl «112» Biryńǵaı kezekshi-dıspetcherlik qyzme­tiniń pýltine halyqtan 4,7 mıllıonnan asa qońyraý tústi. TJM kúshterimen 14 myńnan asa adam qutqaryldy, 66,5 myń adam evakýa­sııalandy, 8 myń zardap shekken adamǵa medısınalyq-psıhologııalyq kómek kórsetildi. Sonymen qatar 83,3 myńnan asa shuǵyl shaqyrtýǵa shyqty. Munyń 10 myńy – órt oqıǵasy, 19 myńǵa jýyǵy apattyq-qutqarý jumysy.

Izdeý-qutqarý jumysyna, onyń ishinde áýe kemelerin qoldanýǵa erekshe nazar aýdaryldy. 2024 jyly «Qazavıa­qu­t­qarý» AQ áýe kemeleri 2,5 myńnan asa tapsyrys oryndady. Munyń 395-i sanıtarlyq avıasııa jáne 356 naýqas tasymaldandy.

TJM jumysyndaǵy mańyzdy baǵyt­tardyń biri – tótenshe jaǵdaılardyń aldyn alý júıesin damytý. 2024 jyly sý aıdyndaryndaǵy jaǵdaıdy anyqtaý jáne baqylaý maqsatynda geoaqparattyq júıeler men ushqyshsyz ushý apparatta­ryn qoldana otyryp, monıtorıng júıesin jańǵyrtý jumysy jalǵas­ty. Sonymen qatar TJM men IIM vedomstvo­lyq jelilerin biriktiretin respýblıkalyq jedel sıfrlyq radıobaılanys júıesi engizildi. Bul tótenshe jaǵdaılarǵa jedel jáne tıimdi áreket etý úshin úılesimdilik deńgeıin aıtarlyqtaı arttyrdy.

О́ndiristegi buzýshylyqtardy, apattardy, oqıǵalardy jáne jazataıym jaǵ­daılardy azaıtý maqsatynda elde 2030 jylǵa deıingi qaýipsiz eńbek tujyrym­damasy bekitildi.

Eldegi seısmıkalyq qaýipsizdikti qam­tamasyz etý maqsatynda 2028 jylǵa deıin seısmologııa salasyn damytý boıyn­sha keshendi jospar bekitildi.

Eldiń 14 óńirinde sý tasqyny kezeńinde 120 myń adam, onyń ishinde 354 múmkin­digi shekteýli adam jáne 45 myńnan asa bala qutqarylyp, evakýasııalandy. 2024 jyly elimizde TJ sany 2023 jylmen salys­tyrǵanda 1,7%-ǵa azaıdy, al zardap shekkender sany 10,8%-ǵa tómendep, 2023 jylǵy 1 751 adamnan 2024 jyly 1 562 adamǵa deıin qysqardy.