Foto: JI kómegimen jasaldy
Bıyl jasóspirimder arasyndaǵy tennısten úzdikter qatarynan kóringen 11 jasar Jánııa Bekmuhambetova Italııanyń Lınıano qalasynda ótken WTT Youth Contender Lignano ústel tennısinen halyqaralyq týrnırde altyn medal jeńip aldy. Sportshy Lola Ýrıa (Ispanııa), jarys qojaıyndary Serena Rossatı jáne Emılı Kojakarý, Djýlııa Fernandes (Ispanııa), Bıanka Toma (Rýmynııa) syndy qarsylastaryn 3:0 esebimen, al Aıalgýý Erdenehýıagty (Mońǵolııa) 3:2 esebimen jeńdi. Aıta keteıik, buǵan deıin osy týrnırde Jánııa 13 jasqa deıingi sportshylar arasyndaǵy jarysta úshinshi oryndy ıelengen edi.
Klassıkalyq shahmattan oqýshylar arasynda Perý astanasy Lımada 2024 jylǵy álem chempıonaty ótti. Astanalyq Aıarý Altynbek 13 jasqa deıingi oqýshylar arasynda altyn medaldi jeńip aldy. Elordadaǵy №9 «Zerde» mamandandyrylǵan lıseıiniń oqýshysy jarystyń aıaqtalýyna bir týr qalǵanda, merziminen buryn jeńiske jetti.
Egıpette 1-8 qyrkúıek aralyǵynda ınformatıkadan IOI-2024 halyqaralyq Olımpıadasy ótti. Oǵan 90 elden 350 oqýshy qatysty. Qazaqstan quramasynyń qatarynda:
Maksım Soı – Almaty q. RFMM 10 synyp oqýshysy;
Ahmet Isa – S. Shaýhamanov atyndaǵy daryndy balalarǵa arnalǵan «Bilim-Innovasııa» Qyzylorda oblystyq lıseı-ınternatynyń 10 synyp oqýshysy;
Nazar Serazıtdınov – Almaty qalasyndaǵy Haileybury Almaty mektebiniń 11 synyp oqýshysy;
Mansur Taımas – Atyraý oblystyq №1 «Bilim-Innovasııa» lıseı-ınternatynyń 11 synyp oqýshysy bar.
Bul jetistikpen qazaq oqýshylary bıylǵy jeti bedeldi halyqaralyq Olımpıadalarǵa qatysýyn qorytyndylaıdy. Bizdiń qurama komandalar IMO (matematıka), IPhO (fızıka), IBO (bıologııa), IChO (hımııa), IOL (lıngvıstıka), IGeO (geografııa) jáne IOI (ınformatıka) qatysyp, nátıjesinde 26 medal jáne 1 gramotaǵa ıe boldy.
Bıyl Saýd Arabııasynda IChO-2024 (International Chemistry Olympiad dúnıejúzilik eń bedeldi top-7 Olımpıadalardyń qataryna kiredi) hımııadan 56-shi halyqaralyq Olımpıada ótti. Bul jarystan bizdiń barlyq oqýshymyz júldeli oryndardy ıelendi. Bizdiń quramamyz úshinshi jyl qatarynan joǵary nátıje kórsetip keledi, bıyl jas hımıkterimiz qos altyn, bir kúmis jáne bir qola medal ıelenip, 100% nátıje kórsetti.
Rınat Ilıýsızov — Pavlodar qalasynyń daryndy balalarǵa arnalǵan № 8 lıseı-mektebiniń 11 synyp oqýshysy;
Kırıll Kım — Astana qalasyndaǵy fızıka-matematıka baǵytyndaǵy NZM 11-synyp oqýshysy;
Abylaı Kabdýlhadyr — Astana qalasyndaǵy fızıka-matematıka baǵytyndaǵy NZM 11-synyp oqýshysy;
Ádiljan Moldaǵul —Aqtaý qalasy, «Bilim-ınnovasııa» lıseı-ınternatynyń 11-synyp oqýshysy.
Sondaı-aq Ulybrıtanııada ótken 65-shi Halyqaralyq matematıka Olımpıadasynda Qazaqstan qurama komandasynyń qorjyny bes medalmen tolyqqan edi. Qazaqstan komandasynyń quramy:
2-oryn: Sharel Marǵulan – Jambyl oblystyq daryndy er balalarǵa arnalǵan mamandandyrylǵan «Bilim-Innovasııa» lıseı-ınternatynyń 10-synyp oqýshysy;
2-oryn: Amırlan Amanjolov – Almaty qalasyndaǵy Respýblıkalyq fızıka-matematıka mektebiniń 10-synyp oqýshysy;
2-oryn: Mıron Iýrkevıch – Almaty qalasyndaǵy Haileybury Almaty halyqaralyq mektebiniń 11-synyp oqýshysy;
3-oryn: Jan Daýtov – Qostanaı oblystyq daryndy balalarǵa arnalǵan «Bilim-Innovasııa» lıseı-ınternatynyń 11-synyp oqýshysy;
3-oryn: Vladımır Rogovskıı – Pavlodar qalasy daryndy balalarǵa arnalǵan №8 lıseı-mektebiniń 11-synyp oqýshysy.
Almaty qalasyndaǵy Respýblıkalyq fızıka-matematıka mektebiniń 10-synyp oqýshysy Dinmuhamed Egeýbaev maqtaý gramotasyna ıe boldy. Aıta keteıik, IMO matematıkadan Halyqaralyq Olımpıada álemdik top-7 Olımpıadalardyń (IPHO, IBO, IOI, IChO, IGeO IOL) qataryna kiredi.
Taǵy bir bási bıik baıqaýlardyń biri - Grekııada ótken FIRST Global Challenge chempıonatynda elimizdiń jas ǵalymdary ózderiniń bilimpazdyǵyn dáleldegen edi. Qazaqstan oqýshylary birneshe baǵyt boıynsha kósh bastap qana qoımaı, 190 eldiń arasynan basty júldeni jeńip alyp, rekordtyq nátıjege qol jetkizdi. Osylaısha, Qazaqstan quramasy úshinshi jyl qatarynan óziniń chempıondyq tıtýlyn dáleldep keledi. El quramyna Almaty qalasynyń FMB NZM-niń oqýshylary: Erdáýlet Túrgenbaev, Álfııa Baıjaqyp, Nurjan Kókeev, Dosjan Daıran jáne Qadylbek Dastan boldy.
Sonymen qatar Qazaqstan oqýshylary Irannyń Isfahan qalasynda ótken IPHO-2024 54-shi Halyqaralyq fızıka Olımpıadasynda júldeli oryndarǵa ıe boldy. Qazaqstan qurama komandasy tórt kúmis jáne bir qola medal ıelenip, 100% kórsetkishke qol jetkizdi.
Marǵulan Nursaǵatov — Almaty qalasyndaǵy Respýblıkalyq fızıka-matematıka mektebiniń 11-synyp oqýshysy;
Dosjan Bısımbı — Almaty qalasyndaǵy «Mıras» halyqaralyq mektebiniń 12-synyp oqýshysy;
Artýr Kım — Aqtóbe oblystyq daryndy jasóspirimderge arnalǵan mamandandyrylǵan «Bilim-ınnovasııa» lıseı-ınternatynyń 11-synyp oqýshysy;
Ámir Pshenbaev — Astana qalasy daryndy er balalarǵa arnalǵan «Bilim-Innovasııa» lıseı-ınternatynyń 11-synyp oqýshysy;
Ilııas Qazymbek — Astana qalasyndaǵy Respýblıkalyq fızıka-matematıka mektebiniń 9-synyp oqýshysy.
2024 jyldyń 7-14 shilde aralyǵynda Astanada IBO-2024 bıologııadan 35-shi Halyqaralyq olımpıada ótti. Bul oqýshylar arasyndaǵy eń bedeldi olımpıadalardyń biri. Álemniń ár túkpirinen kelgen eń myqty 305 jas bıologtar baq synady. Olımpıadaǵa, Qazaqstan qurama komandasynyń múshesi elordalyq zııatker Baqtybaı Ǵalymjan qatysyp, qola medal ıelendi.
(foto: instagram.com/bil.astana)
25-29 maýsym aralyǵynda Túrkııanyń Antalııa qalasynda Balqan túbeginiń 22 elinen kelgen 135 oqýshy arasynda JBMO 2024 Balqan Halyqaralyq jasóspirimder Olımpıadasy ótti. Bul jarysta elimizdiń atynan qatysqan barlyq alty oqýshy júldeli oryndarǵa ıe bolyp, 100 paıyzdyq nátıje kórsetti.
Qoryta kele, 2024 jyl qazaq balalarynyń bilimge, ǵylymǵa, sportqa jáne qoǵamǵa qosqan úlesin aıqyndap berdi. Olardyń tabystary Qazaqstan bolashaǵy jarqyn ekenin jáne álemdik arenada elimizdiń mártebesin bıiktete beretinin kórsetti.
