Foto: istockphoto/peterschreiber.media
Qazir Qazaqstanda búkil álemdegideı JRVI jáne tumaýmen syrqattanýdyń maýsymdyq ósýi tirkelip otyr.
«Adam metapnevmovırýsy - kóptegen elde ondaǵan jyldar boıy taralǵan vırýstardyń biri. Bul vırýstyń shtamdary Qazaqstanda JRVI jáne tumaý aýrýlarynyń maýsymdyq ósýi kezeńinde keńistikte belsendi aınalymda bolatyn ınfeksııalardyń basqa túrlerimen qatar anyqtaldy», delingen mınıstrlik habarlamasynda.
Sanıtarııalyq-epıdemıologııalyq baqylaý komıtetiniń málimetinshe, epıdemııalyq maýsymnyń basynda respýblıka boıynsha tumaýǵa jatpaıtyn vırýstardan 8 360 úlgi zerttelgen.
Onyń ishinde oń - 1866 (22%), paratumaý – 178 (9,5%), RS vırýsy – 433 (23,2%), metapnevmovırýs – 30 (1,6%), rınovırýs – 680 (36,4%), bokavırýs – 113 (6,1%), adenovırýs – 226 (12,1%), koronavırýs – 206 (11,1%) anyqtalǵan.
Metapnevmovırýs negizinen aýa tamshylary arqyly jáne keı jaǵdaıda turmystyq baılanys arqyly taraıdy. Infeksııanyń negizgi belgileri - jótel, murynnan sý aǵý, entigý, tyrysý, bas aýrýy.
Mınıstrlik vırýstyń naqty emi joq ekenin aıtyp, sımptomatıkalyq em-shara qoldaný kerek ekenin eskertti.
