Foto: Oblys ákimdigi
Ol 1963 jyly Aqtóbe oblysynyń Oıyl aýdanynda dúnıege kelgen. 1985 jyly Batys Qazaqstan aýyl sharýashylyǵy ınstıtýtyn «Agronomııa», 2008 jyly Almaty ekonomıka jáne statıstıka akademııasyn «Esep jáne aýdıt», 2020 jyly Q.Jubanov atyndaǵy Aqtóbe óńirlik memlekettik ýnıversıtetin «Quqyqtaný» mamandyqtary boıynsha aıaqtaǵan.
Eńbek jolyn 1980 jyly Aqtóbe oblysynyń Isataı sovhozynda jumysshy bolyp bastaǵan. 1985-1991 jyldary «Aqyrap» keńsharynyń agronomy, sol keńshardyń Qazaqstan Jastar odaǵy Lenındik komıtetiniń hatshysy, Isataı aýdandyq Kommýnıstik partııa komıteti uıymdastyrý bóliminiń nusqaýshysy, Qobda aýdandyq Kommýnıstik partııa komıtetiniń uıymdastyrý, aýyl sharýashylyǵy bólimderiniń nusqaýshysy bolǵan.
1991-2011 jyldary Qobda aýdandyq aýyl sharýashylyǵy basqarmasynyń bas agronomy, sodan keıin basqarma bastyǵynyń orynbasary jáne «Bestaý» JShS-niń dırektory, Aqtóbe oblystyq jer qatynastary basqarmasy bastyǵynyń orynbasary, QR Jer resýrstaryn basqarý agenttiginiń Aqtóbe jáne Batys Qazaqstan oblystary boıynsha óńiraralyq jer ınspeksııasynyń bastyǵy bolyp qyzmet etken.
2011-2024 jyldary Qobda, Temir, Qarǵaly aýdandaryn basqarǵan. 2024 jyldyń tamyz aıynan oblystyń tabıǵı resýrstar jáne tabıǵatty paıdalanýdy retteý basqarmasynyń basshysy qyzmetin atqarǵan.
