Partııa jáne Agrarlyq máseleler jónindegi komıtet tóraǵasy Serik Egizbaev pen Májilis depýtaty Nıkolaı Arsıýtın Almaty oblysy Ile aýdanynda ornalasqan «EURASIAN GREEN PRODUCT» jylyjaı kesheninde bolyp, qyzmetkerlermen kezdesti.
Depýtattar birinshi kezekte kásiporynnyń qýattylyǵyn, ondaǵy óndirilip jatqan ónim sapasyn qarap shyqty.
Kezdesý barysynda Serik Egizbaev kásiporyn jumysshylaryna aýyl sharýashylyǵy salasyn, eldi mekenderdi damytý boıynsha memleket tarapynan atqarylyp jatqan jumystar, Parlamentte qabyldanyp jatqan zańdar, ınvestısııa, partııa tarapynan qolǵa alǵan jobalar týraly aıtty. Sondaı-aq depýtattar ujym qyzmetkerleriniń jergilikti máseleler boıynsha qoıǵan saýaldaryna jaýap berdi.
«Eurasian Green Product» jylyjaıynyń basshylyǵy óz keshenderine Soltústik Qazaqstan oblysyndaǵy tájirıbe negizinde 2,5 paıyzben nesıe berý joldaryn qarastyrýdy surady.
- «Aýyl» partııasy fraksııasy Májilis otyrysynda jáne Úkimet saǵatynda sizderdiń osy suraqtaryńyz boıynsha saýal joldaıtyn bolady. Taǵy bir aıta ketetin jaıt, Soltústik Qazaqstan oblysyndaǵy jylyjaı negizinde Almaty oblysynda da keshen salýdy qolǵa alamyz, - dedi partııa tóraǵasy.
