Atalǵan kórme óskeleń urpaqqa qazaqtan shyqqan belgili tulǵalardy, olardyń taǵylymdy jolyn, týyndylaryn tanytýdy, kitap oqý mádenıetin qalyptastyrýdy, kitaphananyń ımıdjin kóterýdi maqsat etedi.
Bıyl elimizde birqatar aıtýly is-shara josparlanyp otyr. Osyny negizge alǵan kórme bes bólimnen turady. «Qazaq handyǵyna 560 jyl» dep atalatyn birinshi bólimde taqyryptas 100-den astam kitap pen merzimdi basylym materıaldary usynylǵan.
Al jeńistiń 80 jyldyǵyna arnalǵan ekinshi bólimde áskerı taqyrypqa qatysty kitaptardan bólek, surapyl soǵystan syr shertetin qujattar berilip otyr.
«Qazaqstan Respýblıkasynyń Konstıtýsııasyna 30 jyl» atty úshinshi jáne «Qazaqstan halqy Assambleıasyna 30 jyl» atty tórtinshi bólimderde sońǵy jyldary jarııalanǵan baspa ónimderi, tyń derekti materıaldar qamtylǵan. Al «Tuǵyry bıik tulǵalar» bólimi jaqsy-jaısańdarymyzdyń («Ábý Nasyr ál-Farabı – 1155 jyl», «Shoqan Ýálıhanov – 190 jyl», «Abaı Qunanbaıuly –180 jyl», «Mirjaqyp Dýlatuly – 140 jyl», «Saparǵalı Begalın – 130 jyl», «Sábıt Muqanov – 125 jyl», «Qanabek Baıseıitov – 120 jyl», «Ilııas Esenberlın – 110 jyl», «Ermuqan Bekmahanov – 110 jyl», «Jumabek Táshenov – 110 jyl», «Juban Moldaǵalıev – 105 jyl», «Tumanbaı Moldaǵalıev – 90 jyl», «Qadyr Myrzalıev – 90 jyl», «Jumeken Nájimedenov – 90 jyl», «Karl Baıpaqov – 85 jyl») mereıtoıyna arnalǵan.
Kórmege mereıtoı ıeleriniń ómiri men shyǵarmashylyǵy jaıynda jazylǵan 500-den asa kitap, estelik, fotosýret, naqylsóz ben dáıeksóz qoıyldy.
Aıta keteıik, kórme kitaphana oqyrmanyna turaqty túrde jyl boıy usynylady.
