Foto: freepik
Jańa týǵan náreste - otbasyndaǵy ekinshi bala. Anasy birinshi sábıin 2022 jyly ómirge alyp kelgen, onyń salmaǵy 4,3 keliden asqan. Kelinshek gestasııalyq qant dıabetine shaldyqqany belgili boldy. Qazirgi tańda anasy men balasynyń jaǵdaılary turaqty. Olar dárigerlerdiń jiti baqylaýyna alynǵan.
«Ata-analar alyp bala týylsa, «batyr bala dúnıege keldi» dep qýanyp jatady. Alaıda, kópshiligimiz sábıdiń aýyr salmaǵy ananyń da, balanyń da densaýlyǵyna úlken qaýip tóndiretinin esten shyǵaramyz. Shyndyǵynda, bul qýanyshtyń artynda ne tur?! Eń aldymen, náresteniń úlken salmaǵy (makrosomııa) anasy úshin óte qaýipti. О́ıtkeni, tabıǵı bosaný kezinde qynap, jumsaq tinder jyrtylyp ketýi múmkin, jatyr atonııasynan bosanǵannan keıingi qan ketý qaýpi joǵary», dep jazdy oblystyq perınataldyq ortalyq.
Bosaný barysynda qaterli asqynýdyń biri - jatyrdyń jyrtylýy. Mundaı jaǵdaıda áıeldi kesar tiligi otasy arqyly bosandyrýǵa týra keledi.
Sol sebepti dárigerler áıelderge júktilikke aldyn-ala daıyndalý qajet ekenin eskertti.
