Memleket basshysynyń bastamasymen ótken jyldan bastap júzege asyryla bastaǵan «Taza Qazaqstan» baǵdarlamasyna aýdan jastary da belsendi qatysyp keledi. Olar qoǵamdyq oryndardy qoqystan tazalap, ardagerlerdiń aýlasyn jınaýǵa kómektesedi, aǵashtar otyrǵyzady. Ekologııalyq mádenıet qalyptastyrýdyń úlgisi bolǵan baǵdarlama aıasynda aýdan mektepterinde de «Ekologııa balalar kózimen» taqyrybynda sýret baıqaýy ótip, úzdik jumystar mektep kórmelerine qoıyldy.
Al Jalaǵash aýdany turǵyndary «Biz – taza aımaq úshin» bastamasymen ortalyq alań men «Taǵzym» alleıasyn tazartýǵa kiristi. Aýdandaǵy jastar resýrstyq ortalyǵynyń belsendileri «Ardagerlerdi ardaqtaıyq» kezekti aksııasyn uıymdastyrdy.
«Taza Qazaqstan» ekologııalyq is-sharasyna bastalǵannan beri oblystyń 730 000-ǵa jýyq turǵyny qatysty. Olar 27 000 tonnadan astam qoqys shyǵaryp, 505 skver men saıabaq, 225 tarıhı mádenıet eskertkish aýmaǵy, 791 áleýmettik nysan, 4596 ónerkásip jáne bıznes nysany, 322 sý nysany, 47 451 aýla men kóshe tazartyldy.
