Aımaq joldaryndaǵy qaýipsizdikti arttyrý úshin 90000 sharshy metr alańǵa shuńqyrlardy jóndeý jumystary júrgizildi, 1200 km jolǵa jol belgileri salyndy jáne jaıaý júrginshiler ótkelderi retke keltirildi. Jańǵyrtý aıasynda 946 jańa jol belgisi, 29 stroboskop jáne 9 baǵdarsham ornatyldy. Sondaı-aq 4 km metall qorshaýlar ornatylyp, jol qozǵalysyna qatysýshylardyń qaýipsizdigi edáýir artty. Birlesken reıdter barysynda 76 quqyq buzýshylyq anyqtalyp, tasymaldaý salasyndaǵy baqylaý kúsheıtildi.
Qoǵamdyq kólikti damytýǵa erekshe nazar aýdaryldy. Bir jyl ishinde oblystyń avtoparki 44 jańa avtobýstarmen tolyqty, onyń 27-si Qazaqstanda óndirilgen. Bul ónerkásipti damytý qorynyń lızıngtik baǵdarlamasy arqasynda múmkin boldy. 47 eldi mekendi qamtıtyn 18 jańa aýdanishilik jáne bir oblysaralyq marshrýt iske qosyldy. Aldaǵy jyldary kólik jańartý jalǵasady, bul óńirdi turǵyndar men qonaqtar úshin qolaıly ári jaıly etýge baǵyttalǵan.
Bıylǵy jyly 5 kópirdi kúrdeli jóndeý jáne oblystyq mańyzy bar avtojoldardyń 126,2 km bóliginde ortasha jóndeý, 26 km bóliginde kúrdeli jóndeý júrgizý josparlanýda. Sonymen qatar, jol qozǵalysy qaýipsizdigin qamtamasyz etý jumystary, avtomattandyrylǵan ólsheý stansııalaryn ornatý josparlanyp otyr. Qonaev qalasynyń áleýmettik-ekonomıkalyq damý jospary boıynsha jáne apatty kópirlerdi kúrdeli jóndeýden ótkizýge arnalǵan jobalyq-smetalyq qujattar ázirlenýde.
Osy jyldyń mamyr aıynda jergilikti bıýdjetti bólý boıynsha otyrysqa bıýdjet ótinimi joldanady.
Jalpy paıdalanymdaǵy avtojoldardy jóndeý jáne kútip ustaýdyń tehnıkalyq erejeleriniń 15-tarmaǵyna sáıkes (QR 218-29-03), qardy tazalaý jumystary avtojoldardyń sanaty boıynsha, ıaǵnı, I sanat – 2 saǵat, II sanat – 4 saǵat, III sanat – 5 saǵat, IV sanat – 6-12 saǵat, V sanat – 16 saǵat ýaqyt aralyǵynda júrgiziledi. Atalǵan erejelerge sáıkes, qys mezgilinde qar tazalaý jumystary ýaqtyly oryndalýda. Aýdandyq mańyzy bar avtojoldar men kóshe-jol jelisin kútip ustaýǵa 100 tehnıka, 9 232 tonna taıǵaqqa qarsy materıal, 557 tonna janar-jaǵarmaı daıyndaldy. Oblystyq mańyzy bar avtojoldardy kútip ustaýǵa 117 tehnıka, 10 625 tonna taıǵaqqa qarsy materıal, 333 tonna janar-jaǵarmaı daıyndaldy.
Qys mezgilinde jalpy paıdalanymdaǵy avtojoldardy qardan tazartý jumystary Almaty oblysy ákimdiginiń turaqty baqylaýynda.
Almaty oblysy
