Shyǵystan shyqqan úzdik polıseı

Polısııa maıory Berqan Oralhanuly buǵan deıin de bir­neshe marapatqa ıe bolǵan. So­nyń biri 2023 jyly I dárejeli «Ishki ister organdarynyń úzdi­gi» tósbelgisin taqqan. Búgingi ma­rapaty tipten erekshe, qun­dy. Respýblıkada «Jyl úzdigi» atanyp otyr. Áriptesteri de ma­ıordyń mundaı ataqqa áb­den laıyq ekenin aıtady. Krı­mı­nalıstıka salasyna 2012 jyly kelip, sol ýaqyttan beri az qyl­mystyń beti ashylǵan joq.

– 2012 jyly О́skemenniń Strelka shaǵyn aýdanyn patrýldep júrip, buryn-sońdy sotty bolǵan azamatty ustadyq. Ishki túı­sik dál sol azamat­tyń tegin júr­megenin sezdirdi me, toqtatyp, tin­ttik. Árıne, zań aıasynda. Sonda álgi azamat­tyń sómkesinen oqtaýly tapansha shyqty. Bálkim, qandaı da qylmystyń aldyn aldym ba, bas­shylyq bul eńbegimdi eskerýsiz qaldyrmady. Budan da basqa qyl­mys izderi ashyldy. Tipti, bir ǵana zattan iz alyp, az ýaqyttyń ishinde kúdiktini quryq­taǵanymyz bar, – deıdi Berqan Oralhanuly.

Úzdik polıseı Kúrshim aýdany, búgingi Baraq batyr aýylyn­da dúnıege kelgen. Áýelde V.Býntovskıh atyndaǵy tolyq emes orta mektepte oqyǵan. Odan soń Quıǵan aýylyndaǵy ­Sh.Ýálı­hanov atyndaǵy orta ­mek­tepte bilim alýyn jalǵasty­ryp, 1997 jyly túlep ushqan. Sol jyl­dyń kúzinde О́skemen­degi D.Serikbaev atyndaǵy Shy­ǵys Qazaqstan tehnıkalyq ýnı­ver­sıtetine oqýǵa túsip, ony ­2003 jyly támamdaǵan. Sál ke­ıin qu­qyqtaný mamandyǵy boıynsha Shyǵys Qazaqstan aımaq­tyq ýnıversıtetinde ekinshi joǵary bilimin alǵan. 2006 jyldyń ma­my­rynda Qarýly kúshter qata­ry­na shaqyrylyp, áskerı bory­shyn ótegen. Ásker qatarynda «BMP-da» baǵyttaýshy-operator laýazymynda júrip, 2007 jyly kishi serjant áskerı ata­ǵymen zapasqa aýystyryldy. Sol jyly О́skemendegi IIM ýchı­lıshesin­de qyzmetkerlerdi alǵashqy daıyn­daý kýrstarynan ótti. Sóıtip, ishki ister organdaryna jumys­qa ornalasqan. Alǵashynda Ulan ­aýdany po­lı­sııa bóliminiń ­ýa­qyt­sha ustaý ızolıatorynda ­qyz­met at­qardy. Tuńǵysh ofıserlik shenin 2012 jyly О́skemen qalasy polı­sııa basqarmasynyń jedel krı­mınalıstıkalyq bólimshesin­de krımınalıst laýazymynda júrip alǵan. Munda toǵyz jyl qyzmet atqaryp, Qaraǵandy qalasyndaǵy Ishki ister akade­mııasynda oqyp, daktılosko­pııa­lyq, trasologııalyq, ballıs­tı­ka­lyq jáne sýyq qarýǵa zertteý­ler júrgi­zý kýálikterin alǵan. Sol jyldary ózi de ustazdyq etip, birneshe jas qyzmetkerdi da­ıyndady. Qazirgi ýaqytta olar ózimen birge kapıtan sheninde qyzmet atqarady. Aıtqandaı, «Tálimger» tósbelgisin de ıelengen.

Al polısııa departamenti­niń jedel krımınalıs­tıka bas­­qaramasynyń krımı­na­lısi laýa­zymyna 2021 jyly taǵa­ıyn­dal­­ǵan. Qazirgi ýaqyt­ta ShQO PD JKB-nyń aǵa krı­mı­na­lıs­i la­ýazy­mynda ballıs­tıka­lyq zert­teý­lermen jáne mem­le­kettik oq-gılza qoımasyn qa­lyp­tasty­rý boıynsha jumys at­qa­rady.

Aıtyp ótkendeı, krımınalıstıka arqasynda ashylǵan qyl­mystar sany az emes. Ol úshin Ishki Ister mınıstrinen jáne ShQO PD basshylyǵynan birneshe ret marapat alǵan. Berqan Oralhanuly jumys­tan qoly qalt etse, otbasyna kóńil bóledi. Úlken qyzy jo­ǵary bilimin alyp, eńbek jolyna túsken. Al kishi uly mektepte tórtinshi synypta oqıdy. Sondaı-aq sportpen de shuǵyldanyp, salaýatty ómir saltyn ustanady.

Shyǵys Qazaqstan oblysy