Foto: pixabay.com
Aýa raıynyń kúrt nasharlaýy sebepti Astana–Qaraǵandy jáne Astana–Shýchınsk baǵyttaryndaǵy tas joldarynda qozǵalysqa ýaqytsha shekteýler engizildi.
Sol sebepti, jolaýshylardyń qaýipsizdigin qamtamasyz etý maqsatynda Ulttyq tasymaldaýshy 500-den astam jolaýshyny qosymsha poıyzdar arqyly tasymaldaý sharalaryn uıymdastyryp jatyr.
«Ulttyq tasymaldaýshy jolaýshylardyń qaýipsizdigi men kólik qoljetimdiligin qamtamasyz etý úshin barlyq qajetti sharalardy jasap, qolaısyz aýa raıy kezinde jolaýshylar tasymalyn erekshe baqylaýda ustaıdy. Barlyq azamattardy saqtyq sharalaryn saqtaýǵa jáne alys saparlarǵa shyqpaýǵa shaqyramyz», delingen «Jolaýshylar tasymaly» AQ baspasóz qyzmeti taratqan habarlamada.
21 qańtardan bastap jolaýshylar úshin kelesi stansııalarda poıyzdarǵa otyrǵyzý uıymdastyrylady:
Býrabaı kýrorty stansııasynan (Astanaǵa deıin):
- №6830 «Kókshetaý-Astana»;
- №7508 «Kókshetaý-Nurly-Jol».
Sarybel stansııasynan (Qaraǵandy men Astanaǵa deıin):
- №6857 «Qaraǵandy-Astana».
