Foto: QR Zoologııa ınstıtýty
«Qyzyl kitaptyń» jańa basylymyna 217 jan-janýar engizilgen. Bul jolǵy tizim jyrtqysh qustar men qandalanyń keıbir túrimen tolyqtyrylǵan. Besinshi basylymǵa engen qandalanyń keı túri adamǵa zııandy emes, kerisinshe tabıǵattaǵy zııankesterdi joıatyn túri eken.
Osy basylymǵa keı ósimdikter men jan-janýarlardyń jańa ataýy toptastyrylǵan.
Erekshe quqyqtyq kitapta el aýmaǵynda sırek kezdesetin jan-janýar, ósimdikterdiń mekendeıtin, ósetin ortasynyń kartasy qosa kórsetilip, qorǵalady.
«Qyzyl kitapqa» engenderdiń qatarynda aqbas qumaı men qumaı qus bar. Qamys mysyǵy, qara lashyn jáne shaıannyń úsh túri de erekshe qorǵaýǵa alynyp otyr. Al sanynyń kóbeıýine baılanysty jan-janýardyń 19 túri tizimnen alynyp tastalǵan. Olardyń basym bóligi - jándikter.
