«2025 jylǵy 1 qańtardaǵy jaǵdaı boıynsha Qazaqstanda 85 203 ardager turady, onyń ishinde II dúnıejúzilik soǵystyń 120 ardageri, jeńildikter boıynsha II dúnıejúzilik soǵys ardagerlerine teńestirilgen 16 983 ardager, 26 506 basqa memleketterdiń aýmaǵyndaǵy urys qımyldarynyń ardageri, 41 594 II dúnıejúzilik soǵys jyldaryndaǵy tyl eńbekkeri bar», delingen habarlamada.
2024 jyly ardagerlerdiń atalǵan sanattaryna 16,7 mlrd teńge somasynda arnaýly memlekettik járdemaqy tólendi. 2025 jyly osy maqsattarǵa 17 mlrd teńge qarastyrylǵan.
Respýblıkalyq bıýdjetten beriletin aı saıynǵy arnaýly memlekettik járdemaqy ardagerlerdiń barlyq sanattaryna, ózge de áleýmettik tólemderdi alýyna qaramastan, mynadaı mólsherde tólenedi:
- II dúnıejúzilik soǵys ardagerleri – 16 AEK (2025 jyly – 62 912 teńge).
Jeńildikteri boıynsha II dúnıejúzilik soǵys ardagerlerine teńestirilgen ardagerler, olardyń ishinde:
- II dúnıejúzilik soǵys kezeńinde jaraqat alýy, kontýzııa alýy, mertigýi nemese aýrý saldarynan múgedektigi bar adamdarǵa jeńildikter boıynsha teńestirilgen adamdar – 7,55 AEK (2025 jyly – 27 875 teńge);
- Jeńildikter boıynsha II dúnıejúzilik soǵys qatysýshylaryna teńestirilgen tulǵalar – 6,19 AEK (2025 jyly – 24 339 teńge).
Basqa memleketterdiń aýmaǵyndaǵy urys qımyldarynyń ardagerleri, onyń ishinde:
- Aýǵanstandaǵy urys qımyldaryna qatysýshylar – 6,19 AEK (2025 jyly – 24 339 teńge);
- Tájik-Aýǵan ýchaskesinde TMD shekarasyn qorǵaýdy kúsheıtý jónindegi mindetterdi oryndaǵan, Iraktaǵy halyqaralyq bitimgershilik operasııaǵa, Taýly Qarabaqtaǵy etnosaralyq qaqtyǵysty retteýge qatysqan áskerı qyzmetshiler – 4,8 AEK (2025 jyly – 18 874 teńge);
- II dúnıejúzilik soǵys jyldaryndaǵy tyl eńbekkerleri – 2,13 AEK (2025 jyly – 8 376 teńge).
