Aıagóz polısııa bóliminiń jedel qyzmetkerleri ınternettegi alaıaqtyqqa qatysty ádetten tys oqıǵanyń betin ashty.
Jedel-izdestirý sharalary barysynda 32 jastaǵy qala turǵyny óziniń qurbysynyń jeke derekterin paıdalanyp, elimizdegi iri bankterdiń birinen 600 myń teńge kóleminde onlaın nesıe alǵany anyqtaldy.
«Oqıǵa 2024 jyldyń 26 tamyzynda boldy. Kúdikti dosynyń derekterin paıdalanyp, bankti aldap, aıtarlyqtaı qarjylyq shyǵyn keltirip, nesıe alǵan. Tergeý barysynda polıseıler is boıynsha mańyzdy aıǵaq bolǵan jóneltý túbirtekteri men hat-habarlardyń skrınshottaryn tárkiledi», delingen habarlamada.
Asa iri kólemdegi alaıaqtyq deregi boıynsha sotqa deıingi tergeý bastaldy.
Polısııa azamattardy jeke málimetterin berý kezinde abaı bolýǵa shaqyryp, qarjylyq mindettemeler týraly aqparatty únemi tekserip turýdy usynady.
