Depýtat Prezıdent atap ótken sıfrlandyrý úderisiniń paıdasyn kórýmen birge qaýpinen saqtanýǵa shaqyrǵan.
«Sıfrlandyrý – eldiń damýyna úlken úles qosyp jatqan sala. Alaıda, onyń damýymen birge jańa qaýipter de paıda bolyp jatyr. Sonyń biri – alaıaqtyqtyń kóbeıýi. Azamattarymyz ınternettegi túrli alaıaqtardyń qurbany bolyp, jalǵan aqparattarǵa aldanyp qalyp jatyr. Sonymen qatar, áleýmettik jeliler arqyly qoǵamǵa teris áser etetin aqparattyq «qoqystar» men jalǵan kontentterdiń taralýy – úlken másele», deıdi G. Shıpovskıh.
Aıtýynsha, bul máseleler eldiń qaýipsizdigi men tutastyǵyna keri áser etedi. Sondyqtan G. Shıpovskıh bul dúnıelerge tıisti organdar nazar aýdaryp, naqty sharalar qabyldaýy qajet ekendigin jetkizgen.
«Sıfrlandyrý – eldiń damýy men órkendeýi úshin úlken múmkindik. Ol memleketimizdi alǵa jeteleýdiń basty quraldarynyń biri bolyp, ekonomıkamyzdyń qarqyndy damýyna úles qosýy tıis. Alaıda sıfrlandyrý salasy jaqsylyqtyń negizi bolýmen qatar, ony teris baǵytta paıdalaný qaýpi de bar. Kimde-kim osy múmkindikterdi teris qural retinde qoldansa, ol zań aldynda jaýap berýi kerek», deıdi depýtat.
