Jıyn barysynda Aýstrııadaǵy IýNOPS elaralyq keńsesiniń dırektorynyń mindetin atqarýshy Gıýrel Gýrkan turaqty ózgeristerdi yntalandyrýdaǵy azamattyq qoǵamnyń sheshýshi rólin atap ótti.
«IýNOPS-ta biz damý jolyndaǵy kúrdeli máselelerdi sheshýde yntymaqtastyq pen ınnovasııalardyń kúshine senemiz. Azamattyq qoǵam jergilikti deńgeıde oń ózgeristerdi qamtamasyz ete otyryp, osy jumystyń alǵy shebinde tur. Biz seriktestikterimiz arqyly Ortalyq Azııadaǵy ınklıýzıvti damýǵa járdemdesemiz», dedi ol.
Sondaı-aq Gıýrel Gýrkan forýmnyń maqsaty azamattyq qoǵamnyń múmkindikterin arttyrýǵa baǵyttalǵanyn jetkizdi.
«Bul forým bilim almasýǵa, seriktestik qarym-qatynas ornatýǵa jáne osy aımaqtyń elderi úshin eń mańyzdy máseleler boıynsha oń úderisterdi jedeldetýge biregeı múmkindik beredi», dedi Gıýrel Gýrkan.
