Foto: Ashyq derekkóz
«Qoǵamdaǵy quqyqtyq tártip pen adam quqyqtaryn qorǵaý – eldiń turaqtylyǵy men damýy úshin mańyzdy faktorlar. Prezıdent Qasym-Jomart Toqaevtyń quqyqtyq tártipti nyǵaıtý men adam quqyqtaryn qorǵaýdyń mańyzdylyǵyn atap ótýi – memlekettiń damýyna jol ashatyn úlken qadam. «Zań men tártip» qaǵıdasy halyqtyń sanasyna tereń sińýi qajet. Qarapaıym azamattardan bastap joǵary laýazymdy sheneýnikterge deıin óz áreketterin quqyqtyq normalar turǵysynan baǵalaýy tıis. Sonymen qatar árbir quqyq buzýshylyqqa «múldem tózbeýshilik» qaǵıdatynyń ustanylýy qoǵamda ádilettilikti qamtamasyz etip, tártipti ornatýǵa negiz bolady. Zańdy saqtaýdyń jalǵyz joly tek jazadan qorqý emes, tereń ishki senim bolýy kerek. Bul – qoǵamdaǵy ádilettilikti qamtamasyz etip, tártipti ornatýǵa negiz bolady», dep jazdy N. Baıtilesov.
Depýtattyń pikirinshe, tarıh pen álemdik tájirıbe kórsetkendeı, tártipti qamtamasyz etý úshin belgili sharalardyń bolýy qajet.
«Dıalog pen túsinistik arqyly qoǵamda kelisim men tatýlyqty saqtaý – eldiń turaqtylyǵynyń kepili. Baýyrjan Momyshuly «Tártipsiz el bolmaıdy, tártipke baǵynǵan qul bolmaıdy» degen. Sondyqtan zańǵa baǵyný, tártipti bolý – qul bolǵannyń belgisi emes, kerisinshe ádiletti qoǵam qurýǵa qosqan úles. Memleket basshysynyń bul máselege kóńil bólýi azamattardyń quqyqtary men bostandyqtaryn qorǵaý jáne eldiń damýy úshin óte mańyzdy», dedi depýtat.
Nursultan Baıtilesov memleket zań men tártipti qamtamasyz etý úshin úlken jaýapkershilik alyp otyrǵanyn tilge tıek etti. Bul tek bıliktiń mindeti ǵana emes, árbir azamattyń da ortaq mindeti ekenin túsiný kerek.
«Memleket pen qoǵam arasynda zańdy qurmetteý men oǵan baǵyný arqyly barshamyz ádiletti qoǵam qurýǵa úles qosamyz.Zańǵa qurmettiń negizi otbasynda qalanady. Memleket dástúrli otbasy qundylyqtaryn qoldap, balalarǵa erejeler men normalardy qurmetteýdi úıretýge úndeıdi. Bul quqyqtyq tártiptiń nyǵaıýyna yqpal etetini sózsiz», dep qorytyndylady depýtat.
