Eske salaıyq, Prezıdent sóılegen sózinde sýdy únemdeýdiń ozyq tehnologııalaryn qoldanatyn Qytaıdy mysalǵa keltirip, Úkimetke Qazaqstanda da sondaı tehnologııalardy engizý máselesin pysyqtaý kerektigin, elektr energııasyn, jylýdy, sýdy únemdeýdi ári olardy úzdiksiz jetkizýdi qamtamasyz etý qajettigin jáne tutyný mádenıeti týraly qamtı aıtty.
Ásem Qaıdarovanyń aıtýynsha resýrstardyń tapshylyǵy artyp bara jatqan qazirgi zamanda álem kúnnen-kúnge tabıǵatty qorǵaý qajettiligin qatty sezinip jatyr, demek, ekologııa máseleriniń mańyzdylyǵy qashanda kún tártibinde bolmaq, árıne, onyń ishinde Qazaqstan da bar.
«Osy oraıda, aıtpaǵym, ásirese, jas býyndy qorshaǵan ortany aıalaı bilýge ári tutynýshylyq mádenıet turǵysynda ekologııalyq únemdilikke tárbıeleý óte mańyzdy», dedi Á.Qaıdarova.
Onyń pikirinshe sý resýrstarynyń jalpy jahan boıynsha tapshylyǵyn eskere otyryp, tutynýdyń ártúrli áleýmettik normalaryn qoldaný mańyzdy.
«Árbir azamat ózine qajetti mólsherden artyq sý jumsamaý kerektigin túsinýi kerek. Tabıǵı resýrstardy únemdi qoldana bilý uqyptylyqty ǵana emes, sony uǵatyn sana-sezimdi de talap etedi», dep túıindedi Ásem Qaıdarova.
