Foto: baq.kz
Sonyń ishinde kópten kópshilik kókeıindegi keleli máselege aınalǵan MÁMS-ti reformalaý da bar.
Saladaǵy san jaıdy saraptap júrgen áleýmettanýshy Aqanova Jansaıa MÁMS júıesin jetildirý mańyzdy qadam ekenin atap ótti.
«Meniń oıymsha, MÁMS (mindetti áleýmettik medısınalyq saqtandyrý) reformasy - jınaqtalǵan problemalar men qoǵam suranysyn eskergen asa mańyzdy qadam. Basty másele – medısınalyq qyzmetterdiń qoljetimdiligi men sapasyn arttyrý bolýy tıis. MÁMS engizilgenine qaramastan, azamattarymyz kezekke, mamandar men dári-dármekterdiń jetispeýine shaǵymdanady. Reforma medısınalyq mekemelerdi naqty qoldaýdy, olardy qarjylandyrýdy ulǵaıtý jáne dárigerlerdi yntalandyrýdy kózdeýi kerek. О́zgeris,ásirese,kadr tapshylyǵy qatty seziletin óńirlerde bolǵany durys», dedi Jansaıa Aqanova.
Maman MÁMS qarajatyn paıdalanýdaǵy ashyqtyqtyń saqtalmaýy da sheshilýin kútip turǵan kúrdeli túıin ekenin tilge tıek etti.
«Adamdar óz aýdarymdarynyń qaıda ketetinin túsinip, naqty nátıjelerdi kórgisi keledi. Kóńil qýantatyn kórsetkishter jaqsy ınfraqurylym, zamanaýı tehnologııalardyń qol jetimdi bolýy, qyzmet kórsetý deńgeıiniń joǵarylyǵymen ólshenýi tıis. Munda baqylaýdy kúsheıtý de, azamattarmen keri baılanys jasaý da mańyzdy», degen áleýmettanýshy bul másele oń tarapqa ózgermeıinshe ózekti bolyp qala beretinin jetkizdi.
MÁMS asyǵys, shala sheshimderden ada bolýy tıis. Osy oıyn ortaǵa salǵan Jansaıa Aqanova reformany sarapshylardyń, medısına ókilderiniń jáne qoǵamnyń qatysýymen keń talqylaýdy usynady.
«MÁMS-ti jańǵyrtý – kemshilikterdi túzetip qana qoımaı, barlyq azamattardyń ıgiligi úshin jumys isteıtin neǵurlym ornyqty, ádil jáne tıimdi densaýlyq saqtaý júıesin qurý múmkindigi», dedi ol.
