Foto:inbusiness.kz
«Búginde ǵımarat qyzmetkerler men sýretshiler úshin de, kórermender úshin de qaýipti orynǵa aınaldy. Qaptalǵan plıtalardyń qulap qalýy da ǵajap emes, al bul ótip bara jatqan adamdardyń ómirine qaýip tóndiredi. Ishi de jetisip turǵan joq. Jańbyr jaýsa teatr ishindegi kórinisterdi, aýdıtorııa, kıim aýystyratyn bólmeler men qosalqy bólmelerdi sý basyp qalady. Kórermender zalynyń edeni áldeqashan tozǵan, aǵash palýba da júktemege tótep bere almaıdy», dedi.
Bas rejısserdiń aıtýynsha, kúrdeli jóndeý júrgizý qajettiligi týraly másele birneshe jyldan beri kóterilip keledi. Ǵımaratta sonymen qatar teatr sheberhanalary men sehtaryn, dekorasııalardy saqtaýǵa arnalǵan qoımalardy ornalastyrýǵa bolatyn qosalqy bólmeler jetispeıdi.
«Biz qala ákimdigi men Almaty ákimi Erbolat Dosaevtyń tikeleı qoldaǵanyna rızamyz. Teatrda barlyq jabdyqty aýystyryp, kúrdeli jóndeý júrgizip qana qoımaı, sonymen qatar ádemi galereıany burynnan bar ǵımaratpen qosatyn jańa ǵımarat salady dep kútken joqpyz. Endi jańa ǵımarat salynsa, oǵan 200 kórermen orny bar kameralyq sahna ornalasady. Zamanaýı tehnologııalyq sheshimdermen jabdyqtalǵan eki jańa sahna bizdiń teatrǵa joǵary deńgeıli teatr ortalyǵy bolýǵa múmkindik beredi. Bul zamanaýı teatr qoıylymdaryn júzege asyrýǵa, iri teatr kompanııalarynyń gastrolderin ótkizýge, kórmeler, dárister men konsertter uıymdastyrýǵa múmkindikter ashady. Teatr balalardy, jasóspirimderdi jáne eresekterdi tarta otyryp, búkil otbasy úshin mádenı orynǵa aınalady. Biz kórermenderdiń kóńilin kóterip qana qoımaı, áli de joǵary mıssııany laıyqty atqaryp kelemiz», dedi Irına Sımonova.
