Foto: Ashyq derekkózden
Mýnıra Ijanova jolyqpas buryn fılm rejısseri Sultanahmet Qojyqov pen kompozıtory Nurǵısa Tilendıev «Qyz Jibektiń» partııasyn 80-ge jýyq ánshige oryndatqan. Keıin olar Mýnıra Matabaıqyzyn izdep kelip, daýysyn tyńdap kınostýdııaǵa shaqyrtqan.
«Barsam, Bıbigúl Ahmetqyzy Nuraǵa ekeýi «Gákkýdi» aıtyp jatyr eken. Ol kisi aıtyp bolyp, ketkennen keıin, Nuraǵa maǵan: «Aınalaıyn qaryndasym, myna «Gákkýdi» aıta alasyń ba?», dep surady. Aıtyp berdim. «Men bir aıdan keıin sizge zvondaımyn. Telefondy alasyz ǵoı», dedi. Bir aıdan keıin habarlasty. Kınostýdııaǵa shaqyrdy», deıdi ol.
Mýnıra Ijanovanyń aıtýynsha, fılmdi dybystaýdyń basym jumystary halyq uıqyǵa ketip, tynyshtyq ornaǵanda jazylǵan. Búginde jeztańdaı ánshi 83 jasqa taıady. Ol zeınet jasyna deıin Dına Nurpeıisova atyndaǵy mýzykalyq akademııada ustazdyq qyzmet atqarǵan.
