Ata-analar men zańdy ókilder eseptelgen qarajatty birneshe tásilmen teksere alady:
- «eGov.kz» elektrondyq úkimet portalyndaǵy Jeke kabınette, «Sıfrlyq qujattar» bóliminde;
- eGov Mobile mobıldi qosymshasyndaǵy «Sıfrlyq qujattar» servısinde;
- «kids.enpf.kz» saıty arqyly. Derekterde qate bolsa, ne isteý kerek? Eger qosymshada nemese portalda bala týraly derekter joq nemese qate kórsetilse, alańdaýdyń qajeti joq – bul BJZQ-daǵy qarajattyń eseptelýine áser etpeıdi.
Derekterdi ózektendirý úshin:
- «eGov Mobile» qosymshasyndaǵy «Balalar týraly málimetterdi ózektendirý» servısin paıdalaný qajet.
- Qajetti derekterdi engizip, 2-5 jumys kúni ishinde jańartýdy kútý kerek.
I. Balalar týraly derekterdegi qatelerdi qalaı túzetýge bolady?
Eger bala týraly aqparat durys kórsetilmese, tómendegi qadamdardy oryndaý kerek:
- Tıisti sıfrlyq qujatty ashyp, joǵarǵy oń jaqtaǵy úsh núkteni basý qajet.
- «Qate týraly habarlaý» batyrmasyn tańdap, «Balalar týraly málimetterdi ózektendirý» servısindegi formany toltyrý kerek.
- Týý týraly kýálikti tirkep, ótinim jiberý qajet. О́tinim 2-5 jumys kúni ishinde qaralady.
II. Balanyń derekterin qalaı qosýǵa bolady?
Eger júıede bala týraly aqparat kórsetilmese, ol nysanaly qarajattyń eseptelýine áser etpeıdi. Degenmen, derekterdi qosý úshin:
- «Sıfrlyq qujattar» bólimine ótip, «Otbasy» bólimin tańdaý kerek.
- «Balany qosý» batyrmasyn basyp, qajetti formany toltyrý qajet.
- Týý týraly kýálikti tirkep, ótinim jiberý kerek. О́tinim 2-5 jumys kúni ishinde qaralady.
