foto: abroadz.com
Baıqaýǵa 56 eldiń fotograftary qatysty, 419 myń jumystyń ishinen eń úzdikteri irikteldi, sondaı tańdaýly jumystyń biri Qazaqstannan qatysqan jalǵyz fotograf - Ánel Bazylovaǵa tıesili.
Jeńimpazdardyń jumystary Londonda 17 sáýirden 5 mamyrǵa deıin ótetin kórmege qoıylmaq. Áneldiń jumysy óz bastamasymen iske asqan «О́mir súr!» fotojobasy aıasynda túsirilgen. Jobada avtor kamera obektıvi arqyly sırek kezdesetin genetıkalyq aýrýlarǵa shaldyqqan jáne onkologııalyq dıagnoz qoıylǵan áıelder týraly syr shertedi.
Sýrette «О́mir súr!» jobasynyń alǵashqy keıipkeri – Dınara Isa. Dınaraǵa súıek tinderi zaqymdalýymen sıpattalatyn Gorhem aýrýy degen sırek dıagnoz qoıylǵan, ony basqasha «fantomdyq súıek» dep te ataıdy. Qazylar alqasy músheleriniń Dınaranyń bolashaqqa senimmen, qasqaıyp qarap turǵan fotosýretti tańdaǵany sımvoldyq mánge ıe.
«О́mir súr!» jobasy aýyr dıagnozy bar áıelderge syrtqy álemnen tyǵylyp, jabylmaýǵa jáne óz aýrýymen betpe-bet jalǵyz qalmaýǵa kómektesý, sondaı-aq basqa jandardy ósekteý men sógýden jasqanbaı óz dıagnozy týraly ashyq aıtýǵa yntalandyrý maqsatynda quryldy», dep Ánel Bazylova óz pikirin bildirdi.
