«Jalǵan aqparat pen feık jańalyqtardyń taralýy qoǵamda ózekti máselege aınaldy. Feık jańalyqtar ásirese tótenshe jaǵdaılar, qoǵamdyq oqıǵalar kezinde halyqty adastyrý qaýpin arttyrady», dedi mınıstr.
Aıda Balaeva áriptesterdi jańalyqtar aǵynyn muqııat qadaǵalap, rastalmaǵan aqparattyń taralýyna jol bermeýge jáne zańǵa qaıshy kontent taratpaýǵa shaqyrdy.
«Aqparattyq saýatsyzdyq feık jańalyqtardyń taralýyna jol ashady. Sondyqtan durys aqparatty taldaı bilý daǵdysy demokratııalyq qoǵam qurýdyń mańyzdy elementi sanalady. Jas urpaq jalǵan aqparattyń jeteginde ketpeýi úshin olardy medıa saýattylyqqa mektep kezinen bastap tárbıeleýimiz kerek», dep atap ótti mınıstr.
Sondaı-aq, ol jýrnalısterge arnalǵan faktchekıng, analıtıkalyq jýrnalıstıka, sıfrlyq qaýipsizdik boıynsha trenıngter ótkizý de mańyzdy ekenin aıtty.
О́z sózinde mınıstr etnosaralyq jáne konfessııaaralyq qatynastarǵa da toqtaldy. Qazirgi kezde elimizde 18 konfessııany bildiretin 4 myńǵa jýyq tirkelgen dinı birlestik bar. Aıda Balaeva izgilik pen rýhanı qundylyqtardy nasıhattaýda din salasynyń oryny erekshe ekenin aıtty.
«Bul máselede zań men tártip qaǵıdasy qatań ornaýǵa tıis. Sonda ǵana biz birlik pen turaqtylyqty saqtap, memleketimizdi nyǵaıta alamyz. El ishinde alaýyzdyq týǵyzyp, dinı, etnosaralyq arazdyqty qozdyrý máselelerin boldyrmaý úshin jaýapkershilikti kúsheıtýimiz kerek», dep atap ótti mınıstr.
Aıta keteıik, ótken jyly ultaralyq arazdyqty jáne separatızmdi qozdyrýǵa yqpal etetin materıaldar boıynsha Qazaqstan Respýblıkasynyń zańnamasyn buzǵan 413 fakti anyqtaldy.
