Foto: inbusiness.kz
Qosylǵan qun salyǵy mólsheriniń kóbeıtý máselesi qoǵam, sarapshylar ortasynda qyzý talqyǵa tústi.
Memleket basshysy búgin bıznes ókilderimen kezdesýde osy taqyrypqa qatysty pikir bildirip, Úkimetke qosymsha qun salyǵy máselesin taǵy da pysyqtaýdy tapsyrdy.
«Kez kelgen reformany jan-jaqty saraptap, baıyppen júrgizgen jón. Ekonomıka salalarynyń erekshelikterin eskere otyryp, túrli nusqalardy ázirleý kerek. Qosymsha qun salyǵyna qatysty buǵan deıin kózqarasymdy bildirmegen edim. О́ıtkeni qyzmettik dárejeme sáıkes, meniń árbir sózim, pikirim qatań tapsyrma sııaqty qabyldanady. Soǵan qaramastan bul másele boıynsha oıymdy jetkizgim keledi. Qalaı desek te, qosymsha qun salyǵynyń mólsherlemesi saralanyp belgilenýge tıis. Úkimet túpkilikti sheshimdi bilikti sarapshylardyń, qaıtalap aıtamyn, bilikti sarapshylar men kásipkerlerdiń, álbette depýtattardyń pikirine qulaq asa otyryp, naqty esepteýler negizinde qabyldaǵany durys. Bir anyǵy, Úkimettiń qazirgi usynyp otyrǵan mólsherlemesi tym joǵary», dedi Prezıdent.
Osy oraıda ekonomıka salasyndaǵy sarapshy, PR mamany Aıbar Oljaev Prezıdenttiń memleket jáne bıznes ókilderi úshin birdeı tıimdi sheshim qabyldaý bastamasyn qoldaıtynyn jetkizdi.
«Memleket basshysy kompromıstik sheshimge alyp kele jatyr dep aıtýǵa tolyq negiz bar. Birinshisi,bıznes ıeleriniń tabys aınalymy belgili bir shekten assa, QQS tóleıdi, aınalymy az qarajatty qurasa sáıkesinshe az mólsherde QQS tóleıdi. Bul progressıvti shkala boıynsha júzege asady. Barlyq bıznes ókilderine ortaq QQS belgileý orynsyz. Bıznes ıeleriniń múmkindikterin zerdelep, salyqtyq júkteme artý kerek. Bul óte ádil sheshim bolmaq. Úkimet QQS-ny kóterý arqyly bıýdjet tapshylyǵyn joıýdy kózdep otyr. QQS-nyń progressıvti jartylaı kóterilýi bıýdjet máselesin túbegeıli sheshpeýi de yqtımal», dedi ekonomıkalyq sarapshy, PR mamany Aıbar Oljaev
