Qaı kezde qaıta nesıeni qurylymdaýǵa bolady?
Eger qaryz alýshynyń qarjylyq qıyndyqtarǵa tap bolýyna tómendegideı obektıvti sebepter yqpal etse, bank qaıta qurylymdaý týraly ótinishti qarastyra alady:
- tabysy azaıyp nemese jumyssyz qalý;
- aýyr syrqat nemese múgedektik;
- dekrettik demalys;
- áskerı qyzmetke shaqyrý;
- fors-majorlyq jaǵdaılar (órt, múliktiń urlanýy jáne t.b.).
Neǵurlym erterek bankke júginseńiz, soǵurlym aıyppuldardan, nesıe tarıhynyń nasharlaýynan jáne qarajatty sot arqyly óndirip alýdan aýlaq bolý múmkindigi joǵary.
О́tinish qalaı berýge bolady?
Qaryzdy qaıta qurylymdaý týraly ótinishpen tólem keshiktirilgen kúnnen keıin 30 kún ishinde bankke júginińiz. О́tinishte qarjylyq qıyndyqtardyń sebebin kórsetip, rastaıtyn qujattardy (tabys týraly anyqtama, medısınalyq qorytyndylar jáne t.b.) tirkeńiz. Bank ótinishti 15 kúntizbelik kún ishinde qarastyryp, sheshimder usynady.
Nesıeni qaıta qurylymdaý joldary qandaı?
Bankter kelesi sheshimderdi usyna alady:
Nesıeniń merzimin uzartý – aı saıynǵy tólemdi azaıtady, biraq artyq tólem somasyn kóbeıtedi.
Paıyzdyq mólsherlemeni tómendetý – bul Ulttyq Bank bazalyq mólsherlemeni tómendetken jaǵdaıda iske asyrylýy múmkin.
Tólemderdi keıinge qaldyrý – belgili bir ýaqytqa tólemnen bosatady, biraq paıyzdar eseptele beredi.
Aıyppuldar men ósimpuldardy esepten shyǵarý – bank olardy ishinara keshirýi múmkin.
Qaıtarý tártibin ózgertý – negizgi qaryzdy óteýge basymdyq berý.
Bank bas tartqan jaǵdaıda ne isteý kerek?
Eger bank qaıta qurylymdaýǵa ruqsat bermese, siz:
- bank ombýdsmanyna júgine alasyz;
- zańgerden keńes ala alasyz;
- qaıta qarjylandyrý múmkindigin qarastyra alasyz – ıaǵnı, burynǵy
- nesıeni óteý úshin tıimdi sharttarmen jańa nesıe alý.
Bastysy – máseleni nazardan tys qaldyrmaý kerek. Bankke ýaqytynda júginý qarjylyq qıyndyqtardy aldyn alýǵa jáne qarjylyq turaqtylyǵyńyzdy saqtaýǵa kómektesedi.
