Sýret: senate.parlam.kz
Qatysýshylar is-shara barysynda jınaqtaýshy zeınetaqy júıesiniń qazirgi jaǵdaıyn, Biryńǵaı jınaqtaýshy zeınetaqy qorynyń ınvestısııalyq strategııasynyń tıimdiligin jáne azamattardyń múddesin eskere otyryp, zeınetaqy aktıvterin basqarý tetikterin jetildirý máselelerin talqylady.
Komıtet tóraǵasy Sultanbek Mákejanov óz sózinde zeınetaqy jınaqtaryn tıimdi ınvestısııalaý zeınetaqy júıesiniń turaqtylyǵyn qamtamasyz etýdegi mańyzdy faktor ekenin atap ótti.
«Zeınetkerlik jasqa deıingi jınaqtalǵan qarajattyń jaı ǵana shotta saqtalmaı, kóbeıip otyrýy úshin ony tıimdi ınvestısııalaý qajet. Zeınetaqy jınaqtaryn ınvestısııalaýdyń tıimdiligi azamattardyń zeınetaqymen qamsyzdandyrylý deńgeıine tikeleı áser etedi. Sondyqtan bul másele árdaıym qoǵam úshin ózekti bolyp qala bermek», dedi ol.
Depýtattar, memlekettik organ ókilderi men sarapshylar talqylaý barysynda jınaqtaýshy zeınetaqy júıesiniń makroekonomıkalyq kórsetkishterin, zeınetaqy aktıviniń qazirgi bólinisin jáne onyń ınvestısııalyq tıimdiligin qarastyrdy. Ásirese, zeınetaqy qarjysyn ınfraqurylymdyq jáne agrarlyq jobalardy qarjylandyrýǵa paıdalaný máselesine, sondaı-aq zeınetaqy jınaqtarynyń kiristiligin arttyrý joldaryna erekshe nazar aýdardy.
Dóńgelek ústel otyrysyna qatysýshylar zeınetaqy aktıvterin basqarý júıesin jetildirýge baǵyttalǵan birqatar usynys ázirledi. Bul usynystar jan-jaqty qarastyrý jáne iske asyrý úshin tıisti memlekettik organdarǵa joldanady.
