Jınalǵan ónimniń negizgi bóligi (175 myń tonna) mal azyǵyna baǵyttaldy, taǵy 94 myń tonna óńdeýge jiberildi, al 1,3 myń tonnasy kelesi jylǵy egý jumystaryna qaldyryldy. Negizgi óńdeýshiler «Jarkent krahmal-patoka zaýyty» (78 myń tonna), «AzııaAgroFýd» (60 myń tonna) jáne «Kók Teńiz» (14 myń tonna). Júgeriniń ortasha satyp alý baǵasy tonnasyna 55-60 myń teńge bolsa, qus fabrıkalary ony kılogramyna 74 teńgeden satyp aldy.
Aýyl sharýashylyǵy óndirýshilerin qoldaý maqsatynda óńirde júgeri óńdeý sýbsıdııalanady. 2024 jyly bul maqsatqa 1,5 mlrd teńge bólinip, fermerlerge óńdeýge tapsyrylǵan ár tonna úshin 18 myń teńgeden ótemaqy berildi. Oblysta 102,6 myń tonna astyq saqtaı alatyn úsh lısenzııalanǵan qoıma jumys isteıdi.
«Almaty oblysynda júgeri óndirisiniń turaqty ósýi – durys júrgizilgen agrarlyq saıasattyń, fermerlerdi qoldaýdyń jáne zamanaýı tehnologııalardy engizýdiń nátıjesi. О́ńir eldegi basty astyq óndirýshilerdiń biri bolyp qala beredi. Al kelesi jyly biz egistik alqaptaryn ulǵaıtýdy josparlap otyrmyz», dedi oblys ákimdigi.
Osy jyly júgeri egistik alqaptary 52,6 myń gektarǵa deıin ulǵaıtylady, byltyrǵy jylmen salystyrǵanda 3,5 myń gektarǵa artyq. Bul óńirdiń eldegi astyq naryǵyndaǵy ornyn odan ári nyǵaıtýǵa múmkindik beredi.
