Foto: Úkimettiń baspasóz qyzmeti
Esterińizge sala keteıik, atalǵan fakti boıynsha sotqa deıingi tergeý bastaldy. Sondaı-aq, apat ornynda Tótenshe jaǵdaılar mınıstrliginiń aýmaqtyq jedel shtaby ashyldy. Aldyn ala málimetter boıynsha shahtada tabıǵı gaz jarylǵan.
«Qazir shahtada jumys toqtatyldy. Eki arnaıy komıssııa quryldy: bireýi apattyń sebepterin anyqtaýy kerek, ekinshisi qaýipsizdik erejeleriniń buzylǵanyn anyqtaıdy. Komıssııalar óz jumysyn 10 kún ishinde aıaqtaýǵa tıis. Memleket basshysynyń tapsyrmasy boıynsha qaza tapqandardyń otbasylaryna qajetti qoldaý sharalary kórsetiledi», delingen habarlamada.
Sonymen qatar «Qazaqmys» kompanııasy ujymdyq shartqa sáıkes kómek kórsetedi, onyń ishinde jerleýdi uıymdastyrý, jyldyq ortasha jalaqynyń 10 eselengen tólemi, balalardyń oqý aqysyn tóleý, qaza tapqan qyzmetkerlerdiń nesıeleri men qaryzdaryn óteý boıynsha kómek túrleri bar.
