Foto: CNN
Búgin Májilistiń jalpy otyrysynda TıkTokta bala zeıinine zııandy kontenttiń áserin alǵa tartqan «AMANAT» fraksııasynyń bir top depýtaty osy áleýmettik jeliniń qyzmetin shekteýdi usyndy.
Janarbek Áshimjan, Elnur Beısenbaev, Amanjol Áltaı, Qazybek Álishevtiń aıtýynsha, Reseı, Qyrǵyzstan, О́zbekstan, Tájikstan elderi TıkTok jelisine ishinara nemese tolyq shekteý qoıǵan.
Al, Fransııa úkimeti jasóspirimderdiń ınternetke qoljetimdiligin zańnamalyq deńgeıde rettese, Aýstralııa 16 jasqa deıingi balalarǵa qoldanýdy zańmen shektegen.
«Eýropalyq Odaq, Kanada, Ulybrıtanııa, Jańa Zelandııada balalar qaýipsizdigine qatysty alańdaýshylyqqa baılanysty 2023 jyly sheshim qabyldap úlgergen. Kerek deseńiz, TikTok-tyń atasy sanalatyn Qytaıdyń ózinde bul platforma qoljetimdi emes. Biz de jedeldetip TıkTok-qa shekteý qoıý máselesin qarastyrǵanymyz jón. О́ıtkeni, TıkTokty shamadan tys qoldanýdyń psıhologııalyq áleýmettik jáne akademııalyq saldary, balanyń sanasy men densaýlyǵyna keri áseri az emes», dedi Janarbek Áshimjan Úkimet basshysyna joldaǵan depýtattyq saýalynda.
Májilismender TıkToktaǵy saltymyzben sanaspaıtyn, teris ádepke úndeıtin kontentke shekteýdi kúsheıtýdi surap otyr. Sondaı-aq Úkimetke elimizde TıkTokty kámelettik jasqa tolmaǵan balalardyń paıdalanýyna qatań shekteý qoıý nemese múldem tyıym salý tetikterin qarastyrýdy usyndy.
