JI-diń bıznes-prosesterge yqpaly
JI kúndelikti mindetterdi avtomattandyrýǵa múmkindik berip, operasııalyq shyǵyndardy qysqartady jáne ónimdilikti arttyrady. Zertteýge sáıkes, JI engizgen kompanııalardyń 94 paıyzy shyǵyndardyń qysqarǵanyn atasa, olardyń 68 paıyzy EBITDA kórsetkishiniń 5 paıyzǵa deıin óskenin kórsetken. BUL JI tehnologııalaryn qoldanýdyń aıtarlyqtaı ekonomıkalyq áseri bar ekenin dáleldeıdi.
Derbestendirý klıenttik tájirıbeni jaqsartý
Klıentterdiń áreketi týraly málimetterdi taldaýda JI qoldaný derbes usynystar ázirleýge múmkindik beredi. Bul óz kezeginde tutynýshylardyń qanaǵattaný jáne yntalylyq deńgeıin arttyrady. Mysaly, JI negizinde jasalǵan usynys berý júıeleri klıenttiń jeke qalaýy boıynsha taýarlar men qyzmetterdiń dál tańdaý esebinen kompanııanyń kirisin arttyra alady.
Boljamdaý jáne sheshimder qabyldaý
JI málimetterdiń úlken kólemin taldap, jasyryn zańdylyqtar men tendensııalardy ashyp kórsetý arqyly naryqtaǵy ózgeristerdi naqtyraq boljaýǵa múmkindik beredi. Bul kompanııalarǵa óz strategııalaryn beıimdep, suranystyń ózgerýine qaraı jedel áreket etýine jol ashady. Sáıkesinshe, kompanııanyń básekelestik basymdyǵy artady.
JI engizýdiń sátti mysaldary
- Medısına salasy: Medısına qyzmetin jetkizýshilerdiń 38 paıyzy naýqastarǵa dıagnostıka qoıý úshin JI qoldanady, bul dıagnoz qoıýdyń naqtylyǵy men jyldamdyǵyn arttyrady.
- Taý-ken ónerkásibi: JI endirý málimetterdi óńdeý prosesin 18 ese jyldam etip, jaqsartty. Bul óndiristiń tıimdiligin aıtarlyqtaı arttyrdy.
- Bank sektory: Alaıaqtardy anyqtaý jáne klıentterge derbes qyzmetter kórsetý úshin JI qoldaný qaýipsizdikti arttyrady jáne klıenttik tájirıbeni jaqsartady.
Jahandyq ekonomıkalyq yqpal
Boljamǵa sáıkes, 2030 jylǵa qaraı JI álem ekonomıkasyna 20 trln eýro kóleminde úlesin qosady, bul túrli elderdegi JIО́-niń 2-3 paıyz ósimin qamtamasyz etedi. Bul JI-diń ekonomıkalyq ósim men ınnovasııalardyń draıveri retindegi rólin kúsheıtedi.
Jasandy ıntellekt qazirdiń ózinde bıznestiń oıyn erejelerin ózgertip, kompanııalarǵa tıimdilikti arttyratyn, klıenttik servısti jaqsartatyn jáne básekelestik pozısııasyn kúsheıtetin quraldar usynýda. JI-ge ınvestısııa salý sıfrlyq álemde jetistikke jetýdi kózdeıtin zamanaýı kompanııalardyń strategııasynyń mańyzdy bóligine aınalyp otyr.
