Sýret. mobilaser.kz
Eger qaryz somasy 40 aılyq eseptik kórsetkishten assa nemese úsh aıdan astam alıment tólenbese, sottyń sheshimimen shetelge shyǵýǵa tyıym salynady. Al shekteý bar-joǵyn tekserý úshin «eGov.kz» portalynda azamattarǵa arnalǵan bólimnen shetelge shyǵý bólimin tańdap, boryshkerler tizimin tekserý qyzmetin paıdalanyp, jeke sáıkestendirý nómirin engizip, suraý jiberý qajet. Sondaı-aq «eGov Mobile» qosymshasynda qyzmetter bóliminen saıahat jáne sheteldegi ómir bólimin ashyp, boryshkerler tizimin tekserý qyzmetin tańdap, JSN engizip tekserip kórýge bolady. Shekteý qoıylǵan bolsa, Ulttyq qaýipsizdik komıtetiniń Shekara qyzmeti ony tirkep, sizdi keri qaıtarady. Sonymen qatar shekteýdi Atqarýshylyq is júrgizý organdarynyń aqparattyq júıesi arqyly da tekserýge bolady. Qyzmet tegin kórsetiledi.
