Zerthanalardyń ashylýyna ýnıversıtettiń dırektorlar keńesiniń tóraǵasy Omarhan О́ksikbaev, QyzPU basqarma tóraǵasy-rektory Gúlmıra Qanaı, mektep dırektorlary men oqytýshy-professorlar qatysty.
«Muǵalim sapaly bilim berýi úshin bilimi de, biligi de joǵary bolýy kerek. Búgingi tańda mektepterdiń tehnıkalyq jabdyqtalýyna aıtarlyqtaı kóńil bólinip jatyr. Soǵan sáıkes stýdentter, bolashaq mamandar sol deńgeıge saı jumys isteı bilýi tıis. Bilimdi muǵalim sapaly kadr daıarlaı alatyn bolsa, onyń nátıjesi el ekonomıkasynan kórinis beretini sózsiz. Mine, osyny eskerip, zerthanalardy barlyq pánderge qatysty jańartýdy maqsat ettik. Ýnıversıtet oqytýshylary men stýdentterine zor senim arta otyryp, jumystarynyń tııanaqty bolǵanyn tileımin», dedi Dırektorlar keńesiniń tóraǵasy Omarhan О́ksikbaev.
Fızıka-matematıka jáne sıfrlyq tehnologııalar ınstıtýty fızıka kafedrasynda 6 zerthanasynyń ashylýy ýnıversıtettiń ǵylymı jumysyn jańa deńgeıge kóterýge múmkindik beredi.
PASCO quraldarymen jabdyqtalǵan «Interaktıvti synyp» zerthanasy – fızıkanyń jalpy kýrsyn tereńdetip oqytýǵa arnalǵan. Munda stýdentterge fızıkalyq zańdylyqtardy túsinýge kómektesip, ǵylymı oılaý qabiletin shyńdaýǵa yqpal etedi.
PHYWE quraldarymen jabdyqtalǵan «Interaktıvti synyp» zerthanasy – fızıkanyń jalpy kýrsyn tereńdetip oqytýǵa arnalǵan, sondaı-aq fızıka boıynsha demonstrasııalyq eksperımentter men frontaldy zerthanalyq jumystardy júrgizý tehnıkasyn meńgerýge múmkindik beredi.
Elektr jáne magnetızm zerthanasy – elektromagnıttik qubylystardy zertteýge arnalǵan. Bul zerthana stýdentterge elektr tizbegin qurastyrý men durys paıdalaný arqyly fızıkalyq prınsıpterdi túsinýdi úıretedi.
Optıka zerthanasy – jaryqtyń tabıǵatyn, taralýyn jáne onyń zatpen áserlesý qubylystaryn zertteıdi.
Molekýlalyq fızıka jáne termodınamıka zerthanasy – molekýlalyq fızıka men termodınamıka teorııalaryn zertteý jáne molekýlalardyń qozǵalysyn túsiný úshin arnalǵan.
Mektep fızıkasynyń pándik zerthanasy – bolashaq fızıka muǵalimderine zerthanalyq jumystar men eksperımentter júrgizýdiń tehnıkasyn úıretýge arnalǵan.
«Informatıka» kafedrasynyń professory, pedagogıka ǵylymdarynyń doktory Serik Keńesbaev atap ótkendeı, qazirgi ýaqytta stýdentterge jańartylǵan formatta, jańa baǵdarlamalar boıynsha dáris berý qajettiligi týyndap otyr. Osyǵan oraı, zamanaýı quraldarmen jabdyqtalǵan zerthanalar ashylýy stýdenttege zor múmkindik beredi. Osy baǵytta jumys istep, fızıka mamandyǵynda oqıtyn stýdentterdiń joǵary deńgeıdegi bilikti mamandar bolyp shyǵady.
Fızıka-tehnıkalyq ınstıtýtynyń ǵylymı-zertteý qyzmeti jónindegi dırektor orynbasary, PhD Nıkolaı Chýchvaganyń aıtýynsha, jańa zerthanalardyń stýdentterge ǵana emes, oqytýshylarǵa da jańa múmkindikter ashatyny anyq. Osy oraıda fızıka maman stýdentterge qarap jańa zerthanalyq jumystardy jalǵastyrýǵa yqylasynyń zor ekenin atap ótti. Ásirese, irgeli zertteýlerge, sondaı-aq optıka, magnetızm jáne atomdyq fızıka salasyndaǵy mańyzdy eksperımentterge erekshe nazar aýdarǵan oqytýshy stýdentterdiń zamanaýı fızıkamen alǵash tanystyǵy osyndaı zamanaýı zerthanalardan bastaý alatyny qýantady. Al jaratylystaný jáne fızıka ǵylymyna mamandanǵan muǵalim mamandyǵy – óte qajetti ári asa mańyzdy mamandyqtyń biri.
Fızıka bilim berý baǵdarlamalary aıasynda ashylǵan zamanaýı zerthanalar stýdentterdiń teorııalyq bilimin tereńdetip qana qoımaı, ǵylymı izdenisterge jarqyn jol ashatyny anyq.
