О́ndiristegi qaýipsizdik talaptary kúsheıtiledi

Tótenshe jaǵdaılar mınıstri Shyńǵys Árinov, ónerkásip jáne qury­­lys mınıstri Qanat Sharlapaev jańa tá­sil­der jáne eńbek qaýipsizdigi salasyn­daǵy atqarylyp jatqan jumystar týra­ly baıandady. Keńeske eńbek jáne halyqty áleýmettik qorǵaý, sondaı-aq sıfrlyq damý, ınnovasııalar jáne aeroǵarysh ónerkásibi mınıstrleri qatysty.

Qaýipsiz eńbek tujyrymdamasy aıasynda nysandardy sıfrlandyrýdy eskere otyryp, normatıvtik-quqyqtyq aktiler qaıta qaralady, ónerkásip qaýipsizdigin, ǵylymdy damytýdy jáne tıisti ortalyqtar qurýdy qamtamasyz etetin nysandarǵa qoıylatyn, sondaı-aq memlekettik eńbek ınspektorynyń kadr­lyq áleýeti men quqyqtyq márte­besin arttyrý jónindegi talaptar kúsheıtildi.

Qazirgi ýaqytta ónerkásip qaýipsizdigi boıynsha jekelegen talaptar qaıta qaralyp jatyr. Osylaısha, azamattyq qorǵaý týraly zań jobasy sheńberinde apat­tyq-qutqarý qyzmetterine qoıy­latyn talaptar qatańdatylady, óndiris­tik baqylaý standarttary kúsheıtilýde, qaýipti óndiristik nysandar ıelerine jabdyqtardy jańartý jáne jańǵyrtý boıynsha jańa mindetter kózdelgen.

Sonymen qatar ónerkásiptik qaýip­sizdik nysandary pasporttaryn jasaýǵa, apattardy esepke alýdy jáne basqa da úderisterdi avtomattandyrýǵa múmkindik beretin «E-О́QK» aqparattyq júıesin iske qosý josparlanyp otyr.

Premer-mınıstr ónerkásip qaýipsiz­digi salasyndaǵy baqylaý tetigine erekshe nazar aýdardy. Tótenshe jaǵdaılar mınıstrligi О́QM jáne EHÁQM-men birlesip, tekserý qorytyndysy bo­ıynsha ónerkásiptik nysandar menshik ıeleri men basshylarynyń qaýipsiz eńbek jaǵdaılaryn qamtamasyz etý boıynsha jaýapkershiligin kúsheıtý jóninde usynystar engizý tapsyryldy.

О́nerkásip jáne qurylys mınıstrligi Tótenshe jaǵdaılar, Ekologııa jáne ta­bıǵı resýrstar mınıstrlikterimen bir­le­sip, ónerkásip qaýipsizdigi sharalaryn ýa­q­t­yly qarjylandyrý úshin jer qoı­na­ýyn paı­dalanýshylardyń taý-ken jumys­­taryn taldaý júrgizip, baqylaýǵa alýy qajet.

О́nerkásip jáne qurylys, Tótenshe jaǵ­­daı­lar mınıstrlikteri gazdar shy­ǵa­ryn­­dylarymen baılanysty táýekel­derdi azaıtý úshin shahtalardy aldyn ala gazsyz­dan­dyrý normatıvterin ázirleýi qajet.

SDIAО́M otandyq IT-mamandar­men birlesip, ónerkásip qaýipsizdigin qamta­masyz etý boıynsha jańa sheshimder ázirleý tapsyryldy.